क्रिकेटपटू वीरेंद्र सेहवाग अडचणीत आला आहे. वीरेंद्र सेहवागचा लहान भाऊ विनोद सेहगावला चंदीगड पोलिसांनी अटक केली आहे. कोर्टानं विनोद सेहवागला फरार घोषित केलं होतं. त्यानंतर त्याला चंदीगडच्या मनीमाजरा पोलिसांनी अटक केली. विनोद सेहवागला चेक बाऊन्सच्या प्रकरणी ताब्यात घेतलं आहे.

चेक बाऊन्स प्रकरणात विनोद सेहवाग कोर्टात हजर झाला नाही, म्हणून त्याला फरार घोषित करण्यात आलं होतं. विनोद विरोधात ७ कोटीचा चेक बाऊन्स झाल्याच प्रकरण कोर्टात सुरु आहे.

त्याला याच प्रकरणात कोर्टात हजर राहण्यासाठी सांगितलं होतं. पण विनोद सेहवाग कोर्टात हजर झाला नाही, म्हणून त्याला फरार घोषित करण्यात आलं.

विनोद सेहवागला ७ कोटी रुपयांच्या चेक बाउन्स प्रकरणात अटक करण्यात आली आहे. या प्रकरणात २ वर्षांपूर्वी एफआयआर नोंदवण्यात आला होता. सेक्टर १२ पंचकुला येथील रहिवासी आणि खाटा बद्दी येथील श्री नैना प्लास्टिक इंक.चे मालक कृष्ण मोहन खन्ना यांच्या तक्रारीवरून एफआयआर नोंदवण्यात आला होता.

तक्रारदाराचे वकील विकास सागर यांनी सांगितलं की, विनोद सेहवागच्या जालता कंपनीने त्यांच्या कंपनीकडून ७ कोटी रुपयांचा माल घेतला होता. २०१८ मध्ये त्याचे पेमेंट १ कोटी रुपयांचे ७ चेक देऊन करण्यात आले होते, परंतु हे चेक बाउन्स झाले.

२ महिन्यांनंतरही जेव्हा चेक क्लियर झाले नाहीत, तेव्हा कंपनीला १५ दिवसांच्या आत पेमेंट क्लियर करण्यास सांगणारी कायदेशीर नोटीस देण्यात आली. परंतु जेव्हा कंपनीने पेमेंट केले नाही, तेव्हा त्यांनी चेक बाउन्स झाल्याचा गुन्हा दाखल केला.

छोट्या भावाच्या अटकेमुळे वीरेंद्र सेहवागच्या अडचणीत वाढल्या आहेत. आधीच विरेंद्र सेहवागच्या घटस्फोटाची चर्चा सुरु आहेत.