सोशल मीडियावर सध्या एक थरारक व्हिडिओ मोठ्या प्रमाणात व्हायरल होत आहे, ज्यामध्ये कर्माची शिक्षा किती तत्काळ मिळू शकते, याचे उत्तम उदाहरण पाहायला मिळते. रस्त्यावरून जाणाऱ्या एका महिलेची बॅग हिसकावण्याचा प्रयत्न करणाऱ्या चोरट्याला एका कार चालकाने ज्या पद्धतीने धडा शिकवला, त्याचे सर्वत्र कौतुक होत आहे.
व्हिडिओमध्ये दिसते की, एक महिला रस्त्यावरून पायी चालली आहे. तिला संशयास्पद हालचालींमुळे धोका जाणवतो आणि ती सावध होऊन वेगाने चालू लागते. इतक्यात एक दुचाकीस्वार तिथे येतो आणि महिलेच्या हातातील बॅग जबरदस्तीने हिसकावून पळून जाण्याचा प्रयत्न करतो. मात्र, ही घटना जवळून पाहणाऱ्या एका कार चालकाने क्षणार्धात परिस्थिती ओळखून आपल्या कारने चोरट्याच्या दुचाकीला धडक दिली.
कारच्या धडकेमुळे चोरटा खाली पडतो, तरीही तो हार मानत नाही. तो पुन्हा बाइक उठवून पळण्याचा प्रयत्न करतो, पण कार चालक त्याला सोडण्याच्या मनस्थितीत नव्हता. कार चालकाने पुन्हा एकदा आपल्या गाडीने चोरट्याला गाठले आणि रोखले. स्वतःचा बचाव आणि पकडले जाण्याच्या भीतीने अखेर चोरट्याला ती हिसकावलेली बॅग तिथेच सोडून तिथून पळ काढावा लागला. कार चालकाने काही अंतर रिव्हर्स गिअरमध्ये गाडी चालवत चोरट्याचा पाठलाग केला, जे पाहून उपस्थितांचे डोळे विस्फारले.
जरी चोरटा शेवटी पळून जाण्यात यशस्वी झाला असला, तरी या कार चालकाच्या धैर्याने अनेकांची मने जिंकली आहेत. हा व्हिडिओ 'एक्स' (पूर्वीचे ट्विटर) वर @ShagunX_ नावाच्या अकाउंटवरून शेअर करण्यात आला आहे. ही घटना नेमकी कुठे आणि कधी घडली, याची माहिती अद्याप समोर आलेली नाही, परंतु कार चालकाच्या या तत्परतेमुळे एक मोठी चोरी टळली आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.