Viral Video of Elephant Trying to Board Bus : हत्ती हा महाकाय देह असलेला प्राणी आहे. त्यांचे व्हिडिओ वारंवार इंटरनेटवर व्हायरल होतात. कधी दुःखी तर कधी आनंदी, या महाकाय सस्तन प्राण्यांचे व्हिडिओ सोशल मीडियावर नेहमीच चर्चेत असतात.

आता असाच एक व्हिडिओ सध्या इंटरनेटवर मोठ्या प्रमाणात व्हायरल होत आहे. आणि त्याला सगळ्यांनीच आपली पसंती दर्शवली आहे. या व्हिडिओमध्ये एक हत्ती चक्क बसमध्येच चढताना दिसत आहे. हा व्हिडिओ आयपीएस अधिकारी दीपांशु काबरा यांनी ट्विटरवर शेअर केला आहे.

(Viral Video of Elephant Trying to Board Bus)

व्हिडिओच्या सुरुवातीला गर्दीने भरलेल्या बसमध्ये एक मोठा हत्ती चढण्याचा प्रयत्न करताना दिसत आहे. एका महामार्गावर, टस्कर आपल्या सोंडेने वाहनाला लक्ष्य करताना दिसत आहे. व्हिडिओमध्ये पुढे, हळू चालत असलेली बस हत्तीच्या अचानक समोर येण्यामुळे थांबली.

सुदैवाने, व्हिडिओच्या शेवटी, जंगली टस्कर कोणालाही इजा न करता बसपासून लांब होताना दिसत आहे. "#दिवाली की छुट्टियों में सभी जल्द से जल्द घर पहुँचना चाहते है..." असे या व्हिडिओला क्लिपला कॅप्शन दिले आहे.

इथे व्हिडिओ पाहा :

या व्हिडिओला 133k पेक्षा जास्त views आणि अनेक प्रतिक्रिया मिळाल्या आहेत. हत्तीने असे वर्तन कशामुळे केले याबद्दल नेटिझन्स चिंतेत होते तर अनेकांना हत्ती बसमध्ये चढत असताना पाहून आश्चर्य वाटले.