Viral Video Dainik Gomantak
देश

VIDEO: धक्कादायक! मोकाट कुत्र्याच्या शेपटीला बांधून तरुणाने फोडले फटाके; व्हिडिओ व्हायरल

Viral Video: रस्त्यावरील निष्पाप कुत्र्याच्या शेपटीला फटाका बांधताना एक तरुण कॅमेऱ्यात कैद झाल्याची धक्कादायक घटना समोर आली आहे.

Manish Jadhav

सोशल मीडियावर सध्या एक व्हिडिओ तूफान व्हायरल होत आहे. रस्त्यावरील निष्पाप कुत्र्याच्या शेपटीला फटाका बांधताना एक तरुण कॅमेऱ्यात कैद झाल्याची धक्कादायक घटना समोर आली आहे. या घटनेचा व्हिडिओ व्हायरल होताच सोशल मीडिया यूजर्सकडून या तरुणावर कठोर कारवाईची मागणी होऊ लागली आहे. दिवाळी साजरी करण्याच्या नादात तरुणाने जाणूनबुजून मुक्या प्राण्याला इजा पोहोचवली. त्याने निष्पाप कुत्र्याच्या शेपटीला फटाका बांधून तो पेटवला. या घटनेत कुत्रा जखमी झाल्याची माहिती आहे.

दरम्यान, ही घटना नेमकी कुठे घडली हे अद्याप समजू शकलेले नाही. मात्र हा व्हिडिओ सोशल मीडियावर मोठ्या प्रमाणावर शेअर केला जात असून यूजर्स या नराधमाची ओळख उघड होईपर्यंत व्हिडिओ शेअर करण्याचे आवाहन करत आहेत. व्हिडिओमध्ये स्पष्टपणे दिसत आहे की, हा नराधम कुत्र्याच्या शेपटीला फटाका बांधतो आणि नंतर चेतवतो. व्हिडिओमध्ये आणखी एक व्यक्ती कुत्र्याचा कान धरुन बसलेला दिसतोय.

फटाका फुटताच कुत्रा घाबरुन जीव वाचवण्यासाठी धावत असताना फटाक्यामधून ठिणग्या बाहेर पडताना दिसत आहेत. कुत्र्याच्या शेपटीला फटाके बांधणाऱ्या या नरधमालाही अशीच वागणूक देण्याची मागणी सोशल मीडिया यूजर करत आहेत. सोशल मीडिया यूजर्सपैकी एकाने X वर हा व्हिडिओ शेअर केला, ज्यामध्ये त्याने म्हटले की, "अशा गुन्हेगारांना कठोरात कठोर शिक्षा व्हायला हवी. या मुक्या प्राण्याने या b*****d चे काय नुकसान केले आहे? जर असाच फटका त्याच्या पाठीमागच्या भागाला लावला तर मग कळेल त्याला काय वेदना होतात.''

दरम्यान, PETA इंडियाने X वर व्हिडिओ शेअर करणाऱ्या यूजर्सकडे व्हायरल व्हिडिओसंबंधी अधिक माहिती मागितली आहे. PETA इंडियाने आपल्या ट्विटमध्ये म्हटले की, "कृपया आमच्या आपत्कालीन क्रमांक 98201 22602 वर आम्हाला कॉल करा आणि घटनेबद्दल तपशीलवार माहिती द्या किंवा तुमचा नंबर द्या जेणेकरुन आम्ही तुमच्याशी संपर्क करु शकू."

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Goa Drug Trafficking: गोवा पोलिसांची धडक कारवाई! स्विगी डिलिव्हरी एजंटला ड्रग्ज तस्करी प्रकरणी अटक; 'इतक्या' हजारांचा गांजा जप्त

AUS vs SA: इतिहास घडला...! ऑस्ट्रेलियाच्या 22 वर्षीय पठ्ठ्यानं दक्षिण आफ्रिकेची तगडी फलंदाजी केली ध्वस्त; मोडला 38 वर्ष जुना रेकॉर्ड

Viral Video: 'मत रो मेरे दिल...'! दारुच्या नशेत पकडल्यावर पठ्ठ्याला बायकोची आठवण, गाण्याला पोलिसानंही दिली साथ; व्हिडिओ एकदा बघाच

AUS vs SA: दक्षिण आफ्रिकेचा लाजिरवाणा पराभव! ऑस्ट्रेलियाने मोडला भारताचा कीर्तिमान; हेड, मार्श अन् कॅमेरुनची वादळी शतके

Congress MLA Arrested: 12 कोटी कॅश, 6 कोटींचं सोनं... मनी लाँड्रिंग प्रकरणी काँग्रेस आमदाराला अटक, ईडीची कारवाई

SCROLL FOR NEXT