Varanasi Muslim Women PhD on PM Modi Dainik Gomantak
देश

मुस्लिम महिलेने केली PM मोदींवर PHD; जाणून घ्या विषय निवडण्याचे कारण

Varanasi Muslim Women PhD on PM Modi: आज भारताचे पंतप्रधान असण्यासोबतच, पंतप्रधान मोदी हे तरुणांसाठी एक आदर्श आहेत.

Manish Jadhav

Varanasi Muslim Women PhD on PM Modi: आज भारताचे पंतप्रधान असण्यासोबतच, पंतप्रधान मोदी हे तरुणांसाठी एक आदर्श आहेत. अलीकडेच एका मुस्लिम महिलेने जी पीएम मोदींना आदर्श मानते, तिने त्यांच्यावर पीएचडी पूर्ण केली आहे. ही मुस्लिम महिला उत्तर प्रदेशातील वाराणसी येथील रहिवासी आहे.

नजमा परवीन असे तिचे नाव आहे. मिळालेल्या माहितीनुसार, पीएम मोदींवर पीएचडी करणारी नजमा परवीन ही देशातील पहिली मुस्लिम महिला आहे. नजमा यांनी काशी हिंदू विद्यापीठातील प्रोफेसर संजय श्रीवास्तव यांच्या मार्गदर्शनाखाली पीएम मोदींवर संशोधन पूर्ण केले आहे.

पीएम मोदींचे जीवन संघर्षांनी भरलेले आहे

वाराणसीच्या (Varanasi) नजमा परवीन यांनी सांगितले की, त्यांनी सुमारे 8 वर्षांत पीएम मोदींवर संशोधन पूर्ण केले आहे. नजमा परवीन यांची ही पीएचडी 2014 च्या लोकसभा निवडणुकीच्या विशेष संदर्भात आहे.

आपल्या संशोधनाबाबत नजमा परवीन म्हणाल्या की, या काळात त्या पीएम मोदींच्या आयुष्याने खूप प्रभावित झाल्या. आपल्या संशोधनादरम्यान त्यांना कळले की पंतप्रधान नरेंद्र मोदी यांचे जीवन अनेक संघर्षांनी भरलेले आहे.

8 वर्षांत संशोधन पूर्ण झाले

नजमा परवीन यांनी सांगितले की, त्यांनी 2014 मध्ये पीएम मोदींवर हे संशोधन सुरु केले होते, जे 1 नोव्हेंबर 2023 रोजी पूर्ण केले. नजमा यांनी आपल्या संशोधनादरम्यान पंतप्रधान मोदींच्या जवळपास सर्व राजकीय पैलूंवर संशोधन केले आहे. ज्यामध्ये 'PM Modi's Political Leadership-An Analytical Study' चा समावेश आहे.

राजीव यांनी नजमा यांचे संशोधन ऐतिहासिक असल्याचे सांगितले

बीएचयूच्या इतिहास विभागाचे प्राध्यापक राजीव यांनी नजमा यांच्या पीएम मोदींवरील संशोधनाचे कौतुक केले आणि त्यांनी पीएम मोदींवरील संशोधनाला ऐतिहासिक पाऊल म्हटले. राजीव म्हणाले की, नजमा परवीन यांच्या या संशोधनातून हे सिद्ध होते की, मुस्लिमांमध्येही (Muslim) पंतप्रधान मोदींची स्वीकृती खूप जास्त आहे.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Borim Accident: बोरी येथे भीषण अपघात! काँक्रिटवाहू ट्रकची कारला धडक, लहान मुलांसह 6 जण जखमी; तेलंगणातील कुटुंबावर दुःखाचा डोंगर

Asia Cup: फलंदाजी आणि गोलंदाजीत सचिनचा दबदबा! आशिया कपमधील मास्टर ब्लास्टरचा 'तो' ऐतिहासिक रेकॉर्ड आजही अबाधित

Goa Assembly Speaker: गोवा विधानसभेला मिळणार नवा अध्यक्ष, राज्यपालांनी बोलावले विशेष अधिवेशन; रमेश तवडकरांनंतर कोणाची लागणार वर्णी?

Chandragrahan 2025: धनलाभ की नुकसान? भाद्रपद पौर्णिमेचे चंद्रग्रहण 'या' राशींसाठी ठरू शकते अशुभ; 12 राशींवर काय होईल परिणाम?

Viral Video: विशाल देह पण कोमल मन...! हत्तीणीचा इमोशनल व्हिडिओ व्हायरल, माणसावरील प्रेम पाहून यूजर्संना अश्रू अनावर

SCROLL FOR NEXT