गेल्या 48 तासांपासून पावसामुळे डेहराडूनमध्ये (Uttarakhand Rain) हाहाकार माजला आहे. मुसळधार पावसामुळे राणी पोखरीजवळ (Rani Pokhari Bridge) डेहराडून- ऋषिकेश (Dehradun-Rishikesh highway) पूल कोसळला आहे. हा पूल सकाळी 10.30 च्या सुमारास कोसळला असून त्यावेळी पुलावरून अनेक वाहने जात होती. अनेक वाहने वाहून गेल्याच्याहि समजते आहे . पूल तुटल्याने अनेक गाड्या त्याखाली अडकल्या असल्याची शक्यता वर्तवली जात आहे. या घटने नंतर डेहराडून आणि ऋषिकेश मधील संपर्क पूर्णपणे तुटला आहे. (Uttarakhand rains: Rani Pokhari Bridge collapses on Dehradun-Rishikesh highway)

राणीपोखरीचे एसएचओ जितेंद्र चौहान यांनी सांगितले आहे की, गेल्या अनेक दिवसापासून नदीत मोठ्या प्रमाणात पाणी येत आहे त्यामुळे पुलाच्या दोन्ही बाजूंना पाणी मोठ्या प्रमाणात साचले आहे . नदीच्या जोरदार प्रवाहामुळे पुलाच्या मध्यभागी असलेला भाग पूर्णपणे खराब झाला होता . घटनास्थळी पोलीस बंदोबस्त तैनात करण्यात आला असून बचाव कार्य सुद्धा जोरदार चालू आहे.

पुलाच्या मध्यभागी अडकलेल्या वाहनांना बाहेर काढण्याचे प्रयत्न सुरू आहेत. हा पुल कोसळल्याने गढवाल विभागाची राजधानी आणि विमानतळाला जोडणारा रस्ता पूर्णपणे बंद झाला आहे. देहरादूनला जाणारे कोणतेही वाहन आता नेपाळी फार्म बाया भानियाद्वारे पाठवले जात आहे.

अजूनही हवामान विभागाने मुसळधार पावसाचा इशारा जारी केला आहे. उत्तराखंडच्या 5 जिल्ह्यांमध्ये मुसळधार पावसाचा इशारा जारी करण्यात आला असून या जिल्ह्यांमध्ये नैनीताल, चंपावत, उधम सिंह नगर, बागेश्वर आणि पिथोरागड यांचा समावेश आहे.ड यांचा समावेश आहे. याशिवाय, डेहराडून, टिहरी, पौडी जिल्ह्यांच्या काही भागात पावसाची शक्यता लक्षात घेता, यलो अलर्ट जारी करण्यात आला आहे.