घरातून आईचे पैसे चोरल्याचा आरोप केल्याने संतप्त होऊन 13 वर्षीय मुलाने आरोप केलेल्या आठ वर्षांच्या मुलाची हत्या केली. मुलगा बेपत्ता झाल्यानंतर आईने पोलिसांना माहिती दिली. यानंतर पोलिसांनी तपास सुरू केला. (thirteen year old boy murdered 8 year old child)

चौकशीत अल्पवयीन मुलाने गुन्ह्याची कबुली दिली. त्याच्या सांगण्यावरून पोलिसांनी (Police) आठ वर्षीय मुलाचा मृतदेह जंगलातून बाहेर काढला. बाल न्यायालयात हजर केल्यानंतर अल्पवयीन मुलाची बालसुधारगृहात रवानगी करण्यात आली आहे.

चौकशीत अल्पवयीन मुलाने सांगितले की, मृताच्या आईचे पैसे काही दिवसांपूर्वी चोरीला गेले होते. हे पैसे तू चोरलेस, असा आरोप मृताने 13 वर्षीय मुलावर केला होता. याचा त्याला खूप राग आला आणि त्याला मुलाचा बदला घ्यायचा होता. पोलीस या प्रकरणाचा तपास करत आहेत.

कुतुबगढ परिसरात आठ वर्षांचा मासूम आपल्या कुटुंबियांसोबत राहत होता, तर अल्पवयीन त्याच्या शेजारी होता. शनिवारी रात्री महिलेने (Woman) पोलिसांना फोन करून आठ वर्षांचा मुलगा बेपत्ता झाल्याची माहिती दिली. महिलेने घटनास्थळी पोहोचलेल्या पोलिसांना सांगितले की, दुपारी तिचा मुलगा घराबाहेर खेळत होता. काही वेळाने तो गायब झाला.

रात्रीपर्यंत मुलगा घरी न परतल्याने कुटुंबीयांनी त्याचा शोध सुरू केला. मुलगा न सापडल्याने महिलेने पोलिसांत हरवल्याची तक्रार दाखल केली. महिलेने सांगितले की काही लोकांनी तिच्या मुलाला शेजारी राहणाऱ्या एका मुलासोबत जाताना पाहिले होते.

पोलिसांनी गुन्हा नोंदवला आणि मुलाच्या घराभोवती असलेले सीसीटीव्ही (CCTV) कॅमेरे तपासले. त्यानंतर पोलिसांनी अल्पवयीन मुलाची चौकशी केली. प्रथम अल्पवयीन मुलाने पोलिसांची दिशाभूल करण्याचा प्रयत्न केला. त्याच्याकडे कसून चौकशी केली असता त्याने खुनाची कबुली दिली.