Narendra Modi Cabinet Decision: केंद्रीय मंत्रिमंडळाच्या बैठकीत अनुसूचित जमातीबाबत मोठा निर्णय घेण्यात आला आहे. आदिवासी व्यवहार मंत्री अर्जुन मुंडा यांनी सांगितले की, 'मंत्रिमंडळाने पाच राज्यांतील जातींचा अनुसूचित जमातींच्या यादीत समावेश करण्याचा निर्णय घेतला आहे.' पाच राज्यातील काही जातींचा अनुसूचित जमातीमध्ये समावेश करण्यात आला आहे.

दरम्यान, केंद्रीय मंत्री अर्जुन मुंडा म्हणाले की, छत्तीसगड, हिमाचल प्रदेश, तामिळनाडू, कर्नाटक आणि उत्तर प्रदेशातील काही जातींचा अनुसूचित जमातीच्या यादीत समावेश करण्यात आला आहे. या जातींमध्ये गोंड धुरिया, नायक, ओझा, पाथरी, राजगोंड या 5 पोटजातींचा अनुसूचित जमातीत समावेश करण्यात आला.