The killing of three members of the same family in Uttar Pradesh's Kaushambi district enraged villagers and set several houses on fire:

उत्तर प्रदेशातील कौशांबी जिल्ह्यात एकाच कुटुंबातील तीन जणांची हत्या झाल्याची खळबळजनक घटना समोर आली असून, गुरुवारी (१४ सप्टेंबर) रात्री उशिरा वडील, मुलगी आणि जावई यांची गोळ्या घालून हत्या करण्यात आली. मिळालेल्या माहितीनुसार, यामुळे गावकरी संतप्त झाले आणि त्यांनी गावात अनेक घरांना आग लावली.

कौशाम्बी जिल्ह्यातील मोहिउद्दीनपूर गावात एकाच कुटुंबातील तीन सदस्यांच्या हत्येमागे जमिनीच्या वादाचे कारण आहे. हे गाव संदीपन घाट पोलिस स्टेशनच्या हद्दीत येते. मात्र, या प्रकरणात अद्याप एकाही आरोपीला अटक करण्यात आलेली नाही.

हत्येचे वृत्त पसरताच संतप्त ग्रामस्थ जमा झाले आणि मृतदेह पाहून अनेक घरांना आग लावली. परिस्थिती नियंत्रणात आणण्यासाठी अतिरिक्त पोलीस कर्मचारी तैनात करण्यात आले आहेत.

कौशांबी येथील पोलीस अधीक्षक ब्रिजेश श्रीवास्तव यांनी एएनआय या वृत्तसंस्थेने सांगितले की, "चार लोकांची नावे आरोपी म्हणून समोर आली आहेत. ते फरार आहेत. आम्ही त्यांचा शोध घेत आहोत. आम्ही सर्व माहिती गोळा करत आहोत."