JNU News: जवाहरलाल नेहरु विद्यापीठाच्या (JNU) जंगल परिसरात एका तरुणाचा मृतदेह झाडाला लटकलेल्या अवस्थेत आढळून आला आहे. मृत व्यक्तीचे वय 40 ते 45 वर्षे दरम्यान आहे. पोलिसांनी मृतदेह पोस्टमॉर्टमसाठी पाठवला आहे. मृताची ओळख अद्याप पटलेली नाही. पोलीस या प्रकरणाचा तपास करत आहेत. मिळालेल्या माहितीनुसार, सायंकाळी साडेसहाच्या सुमारास मृतदेह सापडल्याची माहिती मिळाली.

दरम्यान, मृतदेह शवविच्छेदनासाठी पाठवण्यात आला असून, मृत्यूचे खरे कारण काय, हे शवविच्छेदन अहवाल आल्यानंतरच स्पष्ट होईल, असे पोलिसांनी सांगितले. पोलिसांनी (Police) असेही सांगितले की, प्राथमिक तपासात त्या व्यक्तीचा मृत्यू काही दिवसांपूर्वीच झाल्याचे दिसते.

पोलिसांनी दिलेल्या माहितीनुसार, शुक्रवारी संध्याकाळी 6.30 वाजता पोलिसांना PCR द्वारे जेएनयूच्या (JNU) जंगलात एक मृतदेह लटकल्याची बातमी मिळाली. यावर पोलिसांचे पथक घटनास्थळी पोहोचले असता पोलिसांना मृतदेह जंगलात लटकलेल्या अवस्थेत आढळून आला. मृताचे वय अंदाजे 40 ते 45 वर्षे असून, बहुतांश मृतदेह कुजलेला आहे. फॉरेन्सिक टीमही घटनास्थळी पोहोचली असून आजूबाजूच्या परिसराची चौकशी करत आहे. सध्या तरी मृतदेहाची ओळख पटलेली नाही.