ऑल इंडिया युनायटेड डेमोक्रेटिक फ्रंटचे (AIUDF) आमदार रफीकुल इस्लाम यांनी राष्ट्रीय स्वयंसेवक संघटनेची (RSS) तुलना मोहम्मद अली जिना यांच्याशी केली आहे. आसामचे आमदार रफीकुल यांनी मंगळवारी सांगितले की, पाकिस्तानचे संस्थापक मोहम्मद अली जिना आणि आरएसएसमध्ये बरेच साम्य आहे. दोघांनाही देशातील लोकांमध्ये धर्माच्या आधारावर फूट पाडायची आहे. ते पुढे म्हणाले, “जिनांनी देशाचे दोन भाग केले- 'भारत (India) आणि पाकिस्तान (Pakistan).' भाजप आणि आरएसएस देखील तेच करत आहेत. ते हिंदू (Hindu) आणि मुस्लिम (Muslim), दलित आणि दलितेतर अशी फूट पाडत आहेत. (The Assam MLA compared the RSS to Mohammad Ali Jinnah)

दरम्यान, एआययूडीएफ आमदार म्हणाले की, ''आमचा पक्ष जात, समुदाय आणि धर्माच्या आधारावर लोकांमध्ये फूट पाडण्याचे समर्थन करत नाही. परंतु भाजप सरकार द्वेष पसरवण्याचे काम करत आहे. 'द काश्मीर फाइल्स' (The Kashmir Files) या चित्रपटावर भाष्य करताना आसामचे आमदार पंतप्रधान नरेंद्र मोदी यांनी काश्मिरी पंडितांच्या पुनर्वसनासाठी आग्रह धरत आहे.''

ते पुढे म्हणाले, 'पंतप्रधान मोदी 'द काश्मीर फाइल्स'ला पाठिंबा देत आहेत. त्यांनी काश्मिरी पंडितांच्या पुनर्वसनाची प्रक्रिया सुरु करावी. त्याचबरोबर काश्मीरमधील हत्यांचाही तपास करावा, ही जबाबदारी पंतप्रधान आणि भाजप सरकारची आहे. काश्मिरी पंडितांना न्याय मिळायला हवा, पण भाजपचा उद्देश केवळ द्वेष पसरवणे आहे.'