जम्मू-काश्मीरमधील बांदीपोरा जिल्ह्यात आज पोलिस दलावर दहशतवाद्यांनी केलेल्या हल्ल्यात दोन पोलिस शहीद झाले.संबंधित अधिकाऱ्यांनी ही माहिती दिली. त्यांनी यावेळी सांगितले की, बांदीपोरा येथील गुलशन चौकात ही घटना घडली. सुरक्षा दलांनी संपूर्ण परिसराला वेढा घातला असून दहशतवाद्यांचा शोध घेण्यासाठी शोध मोहीम सुरु करण्यात आली आहे. पोलिसांनी दिलेल्या माहितीनुसार, आज संध्याकाळी दहशतवाद्यांनी पोलिस दलावर गोळीबार केला, ज्यामध्ये दोन्ही पोलिस गंभीर जखमी झाले. त्यांना रुग्णालयात घेऊन जात असतानाच डॉक्टरांनी त्यांना मृत म्हणून घोषित केले.