पंजाबच्या Punjab राजकारणात मोठा स्फोट झाला आहे. पंजाब काँग्रेसच्या (Punjab Congress) भांडणात मुख्यमंत्री कॅप्टन अमरिंदर सिंग ( Amarinder Singh) यांची खुर्ची जात असल्याचे दिसत आहे. संध्याकाळी पंजाब काँग्रेस भवनात विधिमंडळ पक्षाच्या बैठकीपूर्वीच पक्षाच्या हायकमांडने मुख्यमंत्री कॅप्टन अमरिंदर सिंग यांच्या राजीनाम्याची मागणी केली आहे. काँग्रेस अध्यक्ष सोनिया गांधी (Sonia Gandhi) यांनी मुख्यमंत्री कॅप्टन अमरिंदर सिंग यांच्या राजीनाम्याची मागणी केली आहे.(Sonia Gandhi asks Chief Minister Amarinder Singh for resign)

गेल्या अनेक दिवसांपासून त्यांना हटवण्याची तयारी सुरू होती. यानंतर आज संध्याकाळी काँग्रेस विधिमंडळ पक्षाच्या बैठकीत नवीन नेत्याची निवड केली जाईल असेही सांगितले जात आहे.

सूत्रांच्या माहितीनुसार मुख्यमंत्री कॅप्टन अमरिंदर सिंग यांनी सोनिया गांधींना फोन करून असे अपमान सहन करणार नसल्याचे सांगितले आहे . जर हा त्रास आज संपला नाही तर ते राजीनामा देतील. काँग्रेसचे ज्येष्ठ नेते कमलनाथ यांच्याशीही त्यांनी बोलणी केल्याचेही सांगितले जात आहे. जरी याची अधिकृत पुष्टी झालेली नाही दुसरीकडे, अशीही चर्चा आहे की, कॅप्टनने मुख्यमंत्रिपदावरून काढून टाकल्यास काँग्रेस सोडण्याची धमकीही दिली आहे.

मुख्यमंत्र्यांनी आमदारांची बैठक केली रद्द

दुसरीकडे, कॅप्टन अमरिंदर सिंग यांनी 2 वाजता बोलावलेली बैठक रद्द केली आहे. खरं तर, आज सकाळपासून कॅप्टन अमरिंदर सिंग यांची टीम त्यांच्या समर्थक आमदारांना फोन करून त्यांना या बैठकीला येण्यास सांगत होती, पण हायकमांडची भूमिका पाहून आमदारांनी बैठकीला येण्याचे निमित्त करायला सुरुवात केली. सर्व आमदार आपापल्या मतदारसंघात व्यस्त असल्याचे सांगत आहेत. हे पाहता कॅप्टन अमरिंदर सिंग यांनी त्यांची बैठक रद्द केली आहे.

नवज्योतसिंग सिद्धू होऊ शकतात नवे मुख्यमंत्री?

पंजाबमधील विधानसभा निवडणुकीला अवघे सहा महिने शिल्लक असताना काँग्रेसने आपले सर्वात मजबूत मुख्यमंत्री कॅप्टन अमरिंदर सिंग यांच्या राजीनाम्याची मागणी केली आहे. अधिकृत दुजोरा अद्याप मिळाला नसला तरी पंजाब प्रभारी हरीश रावत चंदीगडला पोहोचत असल्याचे सांगितले जात आहे. कॅप्टनला राजीनामा सादर करण्यास सांगितले आहे. नवीन मुख्यमंत्रिपदासाठी सुनील जाखड़ आणि पंजाब काँग्रेसचे अध्यक्ष नवज्योतसिंग सिद्धू यांच्यासह काही नावे चर्चेत आहेत.

हे लक्षात घेण्यासारखे आहे की तीन दिवसांपूर्वी सुमारे 40 आमदारांनी सोनिया गांधींना एक पत्र लिहून कॅप्टन अमरिंदर सिंग यांच्याविरोधात अविश्वास व्यक्त केला होता. त्यांनी पत्रात असेही लिहिले आहे की इतर अनेक आमदार त्यांच्या विरोधात आहेत पण जोपर्यंत ते मुख्यमंत्री राहतील तोपर्यंत कोणीही त्यांच्या विरोधात उघडपणे बोलणार नाही. अशा परिस्थितीत, विधिमंडळ पक्षाची बैठक बोलवणे आवश्यक आहे ज्यात दोन केंद्रीय निरीक्षक देखील आहेत. या पत्राच्या आधारे हरीश रावत यांनी काँग्रेस अध्यक्षा सोनिया गांधी आणि शुक्रवारी रात्री भेट घेतली होती.