नवी दिल्ली: ‘नीट’ परीक्षेतील गैरप्रकाराबद्दल केंद्रीय शिक्षण मंत्री धर्मेंद्र प्रधान यांच्या राजीनाम्याच्या मागणीसाठी जंतरमंतरवर १९ दिवसांपासून उपोषण करणारे सामाजिक कार्यकर्ते सोनम वांगचुक यांना राजकीय पक्षांचा पाठिंबा वाढला आहे.

आम आदमी पक्षाचे राष्ट्रीय सनम्वयक अरविंद केजरीवाल, समाजवादी पक्षाच्या खासदार डिंपल यादव यांनी आज वांगचुक यांची भेट घेऊन समर्थन दिले. तर, उद्धव ठाकरे किंवा आदित्य ठाकरे हे वांगचूक यांच्या समर्थनार्थ २० जुलैला दिल्लीत येणार आहेत.

वांगचुक समर्थनार्थ ‘आप’ मैदानात

दिल्लीत आमरण उपोषणास बसलेले सोनम वांगचुक यांच्या समर्थनार्थ ‘आप’च्या नेत्यांनी गुरुवारी पणजीतील आझाद मैदानावर येऊन त्यांना पाठिंबा दर्शविला. त्याचबरोबर केंद्रीय शिक्षणमंत्री धर्मेंद्र प्रधान यांनी राजीनामा द्यावा, अशी मागणी पक्षाने केली. त्याचप्रमाणे राज्यातील कलाकार,बुद्धिजीवी वांगचुक यांना पाठबळ देत आहेत.