Republic Day Wishes In Marathi Dainik Gomantak
देश

Republic Day 2026 Wishes: भारतात जन्मलो, हेच माझे भाग्य महान! प्रजासत्ताक दिनी शेअर करा 'हे' शुभेच्छा संदेश

Republic Day Wishes In Marathi: दरवर्षी २६ जानेवारी रोजी देशभरात प्रजासत्ताक दिन मोठ्या उत्साहात साजरा केला जातो.

Sameer Amunekar

दरवर्षी २६ जानेवारी रोजी देशभरात प्रजासत्ताक दिन मोठ्या उत्साहात साजरा केला जातो. २६ जानेवारी १९५० रोजी भारताचे संविधान अमलात आले आणि भारत एक संपूर्ण सार्वभौम, समाजवादी, धर्मनिरपेक्ष व लोकशाही प्रजासत्ताक राष्ट्र म्हणून जगाच्या पटलावर उभा राहिला.

या दिवशी देशाची खरी ओळख असलेली लोकशाही, स्वातंत्र्य, समता, बंधुता आणि न्याय ही मूल्ये अधिक ठळकपणे समोर येतात. भारतीय संविधानाचे शिल्पकार डॉ. बाबासाहेब आंबेडकर आणि संविधान समितीच्या अथक परिश्रमांमुळे भारताला जगातील सर्वात मोठे लिखित संविधान लाभले.

दिल्लीतील कर्तव्य पथावर (राजपथ) होणारी भव्य संचलन, तिन्ही दलांची शक्तीप्रदर्शन, विविध राज्यांच्या झांक्या आणि सांस्कृतिक कार्यक्रम हे या दिवसाचे मुख्य आकर्षण असते. राष्ट्रपतींच्या हस्ते पद्म पुरस्कार, शौर्य पुरस्कार प्रदान करून देशसेवेसाठी योगदान देणाऱ्यांचा गौरव केला जातो.

प्रजासत्ताक दिन हा केवळ उत्सव नसून संविधानाप्रती निष्ठा ठेवण्याचा, कर्तव्यांची जाणीव करून देणारा दिवस आहे. प्रत्येक भारतीयाने संविधानाने दिलेले अधिकार जबाबदारीने वापरून देशाच्या प्रगतीसाठी योगदान देण्याचा संकल्प करण्याचा हा दिवस आहे.

प्रजासत्ताक दिनाच्या शुभेच्छा Republic Day Wishes In Marathi

  • संविधानाच्या मूल्यांवर विश्वास ठेवणाऱ्या सर्व भारतीयांना प्रजासत्ताक दिनाच्या हार्दिक शुभेच्छा.

  • स्वातंत्र्य, समता, बंधुता आणि न्याय या तत्वांची आठवण करून देणारा प्रजासत्ताक दिन मंगलमय ठरो.

  • भारतीय संविधानाचा अभिमान बाळगून देशाच्या उज्ज्वल भविष्यासाठी योगदान देऊया.

  • देशासाठी बलिदान दिलेल्या शूरवीरांना वंदन करत प्रजासत्ताक दिन साजरा करूया.

  • लोकशाहीची ताकद जपत जबाबदार नागरिक होण्याचा संकल्प करूया.

  • तिरंग्याच्या साक्षीने एकता, अखंडता आणि देशप्रेम दृढ करूया.

  • हक्कांसोबत कर्तव्यांची जाणीव ठेवणे हीच खरी राष्ट्रसेवा आहे.

  • संविधान आमची ओळख, लोकशाही आमची ताकद – प्रजासत्ताक दिनाच्या शुभेच्छा.

  • विविधतेत एकता जपणाऱ्या भारतमातेचा अभिमान बाळगूया.

  • न्याय, समानता आणि स्वातंत्र्याचा दीप अखंड तेवत राहो.

  • देशाच्या प्रगतीसाठी प्रत्येक नागरिकाचा सहभाग महत्त्वाचा आहे – शुभेच्छा!

  • 1संविधाननिष्ठ भारत घडवण्यासाठी आज नव्याने संकल्प करूया.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Sandpapergate Scandal: 'उस्मान ख्वाजा सर्वात मोठा गद्दार', सँडपेपरगेट प्रकरणावरुन डिव्हिलियर्सचा संताप; क्रिकेटची बदनामी केल्याचा आरोप

Goa Spice Cultivation: जायफळ, वेलची, काळी मिरीला बाजारात मागणी; गोव्यात मसाला पिकांकडे शेतकऱ्यांचा वाढता कल

Accident News: दोन महिन्यांपूर्वी घेतली कार, 100च्या स्पीडमध्ये 20 फूट हवेत उडून झाडावर आदळली… भीषण अपघातात 7 तरुणांचा मृत्यू

Mohammed Siraj Selection: मोहम्मद सिराजला प्लेइंग-11 मधून वगळण्यावरुन राजकीय वादंग! काँग्रेस नेत्याने तोडले तारे; म्हणाले, 'नावामुळे भेदभाव...' VIDEO

Under 16 Cricket: गोव्याचा पहिला डाव 97 धावांत आटोपला; कर्नाटकने पहिल्याच दिवशी 127 धावांची आघाडी घेत वर्चस्व गाजवले

SCROLL FOR NEXT