तामिळनाडू सरकारने राजीव गांधी हत्या प्रकरणातील सात दोषींपैकी एक असलेल्या नलिनी श्रीहरन यांना एका महिन्यासाठी पॅरोलवर जाण्याची परवानगी दिली आहे. या प्रकरणी त्याच्या आजारी आईने न्यायालयाकडे वारंवार विनंती केली होती. विशेष सरकारी वकील हसन मोहम्मद जिना यांनी गुरुवारी मद्रास उच्च न्यायालयात (High Court) सांगितले की, राज्य सरकारने नलिनीला एक महिन्याचा साधा पॅरोल मंजूर केला आहे आणि ती आता तिची आजारी आई पद्मा यांना भेटू शकणार आहे. नलिनी सध्या वेल्लोर येथील विशेष महिला कारागृहात आहे.

पद्मा यांनी आपल्या मुलीला पॅरोलवर येण्याची परवानगी देण्यासाठी न्यायमूर्ती पी एन प्रकाश आणि आर हेमलता यांच्या खंडपीठासमोर याचिका दाखल केली होती. विशेष सरकारी वकिलाची विनंती मान्य करत खंडपीठाने पद्मा यांची याचिका निकाली काढली आहे. आता नलिनी आपल्या आईसोबत वेल्लोरच्या सतुवाचेरी येथे कडक पोलीस बंदोबस्तात भाड्याच्या घरात राहणार आहे. तिच्यासोबत बहीण कल्याणी आणि भाऊ बकियानाथन देखील असतील. 2019 मध्ये नलिनीलाही असाच पॅरोल देण्यात आला होता.

तामिळनाडू (Tamil Nadu) मंत्रिमंडळाने 2018 मध्ये नलिनी आणि इतर दोषींना सोडण्याची शिफारस केली होती परंतु राज्यपालांनी फाइल मंजूर केली नाही. नलिनी आणि त्यांच्या सहकाऱ्यांनी मद्रास उच्च न्यायालयात (High Court) दाखल केलेल्या याचिकेत राज्यपालांच्या मान्यतेशिवाय त्यांची सुटका करावी, अशी विनंती केली होती. ही याचिकाही न्यायालयासमोर प्रलंबित आहे.

राजीव गांधी (Rajiv Gandhi) यांची 21 मे 1991 रोजी श्रीपेरंबदुर येथे एका सार्वजनिक सभेदरम्यान हत्या करण्यात आली होती, जेव्हा ते लोकांना भेटत होते. यादरम्यान एका महिलेने त्याच्या जवळ जाऊन स्फोटकांनी स्वत:ला उडवले. घटनेनंतर तीन आठवड्यांपासून नलिनी आणि तिचा पती श्रीहरन तुरुंगात आहेत.