नवी दिल्ली : रेलटेलने गुरुवारी आपल्या सशुल्क वाय-फाय सेवा योजना औपचारिकरित्या सुरू केल्या ज्यायोगे देशभरातील 4,000 स्थानकांवर ग्राहकांना हाय-स्पीड इंटरनेटची सुविधा मिळेल. रेलटेल आधीपासूनच देशातील 5,950 हून अधिक स्टेशनवर विनामूल्य वाय-फाय सेवा प्रदान करते आणि ओटीपी-आधारित पडताळणीनंतर स्मार्टफोन आणि सक्रिय कनेक्शनसह कोणीही या सुविधेचा लाभ घेऊ शकतं. या प्रीपेड योजनांच्या सुरूवातीस, एक प्रवासी आता दररोज 1 एमबीपीएस वेगाने 30 मिनिटांपर्यंत विनामूल्य वायफाय वापरू शकेल. परंतु 34 एमबीपीएसपेक्षा जास्त वेगासाठी वापरकर्त्यास नाममात्र सशुल्क योजना निवडणे आवश्यक आहे.

देशातील राहण्यायोग्य शहरांमधे बेंगळुरू पहिल्या स्थानी; तर पणजी सोळाव्या स्थानी (वाचा संपूर्ण यादी)

एका दिवसात 5 जीबी डेटासाठी 10 रुपयांचे शुल्क आकारण्यात येईल. एका दिवसात 10 जीबी डेटासाठी 15 रुपये, पाच दिवसांसाची वैधता असलेल्या 10 जीबी डेटासाठी 20 रुपये, पाच दिवसांची वैधता असलेल्या 20 जीबी डेटासाठी 40 रुपये, 10 दिवसांसाठी वैध असलेल्या 30 जीबी डेटासाठी 50 रुपये, आणि 30 दिवसांसाठी वैध असलेल्या 60 जीबी डेटासाठी 70 रुपये अकारण्यात येणार आहेत. 

ट्रोमॅन ई. श्रीधरन यांच्या बाबत भाजपने घेतला यू टर्न 

रेल्वेटेलचे सीएमडी पुनीत चावला यांनी दिलेल्या निवेदनात म्हटले आहे की, “येत्या आर्थिक वर्षात रेल्वे वायर वायफाय असलेल्या सर्व स्थानकांसाठी प्रीपेड योजना सुरू करण्याचा आमचा मानस आहे.”कोरोना येण्यापूर्वी दर महिन्याला तीन कोटींहून अधिक लोक ही सेवा वापरत होते. एकदा परिस्थिती सामान्य झाली आणि स्थानकांवरील गर्दी नियमित झाली की पेड वाय-फाय सेवेमधून वर्षाकाठी 10-15 कोटी रुपयांचा महसूल मिळण्याची अपेक्षा आहे, असेही ते म्हणाले.