rahul gandhi Dainik Gomantak
देश

राहुल गांधींची ईडीने केली पाचव्या दिवशी 10 तास चौकशी

ईडीने राहुल गांधींची पाचव्या दिवशी 10 तास चौकशी केली आहे.

दैनिक गोमन्तक

नॅशनल हेराल्ड प्रकरणाशी संबंधित कथित मनी लॉन्ड्रिंग प्रकरणात अंमलबजावणी संचालनालयाने (ईडी) मंगळवारी काँग्रेस नेते राहुल गांधी यांची चौकशी केली. त्यांच्या चौकशीचा हा पाचवा दिवस होता. चौकशी केल्यानंतर राहुल अंमलबजावणी संचालनालयाच्या कार्यालयातून निघून गेले.

मिळालेल्या माहितीनुसार, ईडीच्या अधिकाऱ्यांनी राहुल गांधींची (Rahul Gandhi) जवळपास 10 तास चौकशी केली. आज राहुल यांना जेवणाची सुट्टीही मिळाली नाही. सीआरपीएफ जवानांच्या ‘झेड प्लस’ श्रेणीच्या सुरक्षेसह राहुल गांधी मंगळवारी सकाळी 11.15 वाजता मध्य दिल्लीतील एपीजे अब्दुल कलाम रोडवर असलेल्या ईडीच्या मुख्यालयात पोहोचले होते.

दुसरीकडे, सोमवारी राहुल यांची जवळपास 12 तास चौकशी करण्यात आली. गेल्या आठवड्यात सोमवार, मंगळवार आणि बुधवारी सलग तीन दिवस ईडी अधिकाऱ्यांनी 52 वर्षीय राहुल यांची 30 तासांहून अधिक चौकशी केली होती. ज्यादरम्यान मनी लाँडरिंग प्रतिबंधक कायद्यांतर्गत (PMLA) त्यांचे जबाब नोंदवण्यात आले होते.

तसेच, याच प्रकरणी काँग्रेस अध्यक्षा सोनिया गांधी (Sonia Gandhi) यांनाही ईडीने 23 जून रोजी समन्स बजावले आहे. परंतु प्रकृतीच्या कारणास्तव सोनिया गांधी यांना नुकतेच दिल्लीतील एका खाजगी रुग्णालयात दाखल करण्यात आले होते तेथून त्यांना सोमवारी संध्याकाळी डिस्चार्ज देण्यात आला.

शिवाय, कॉंग्रेसकडून सांगण्यात आले आहे की, 'डॉक्टरांनी सोनिया गांधी यांना घरी आराम करण्याचा सल्ला दिला आहे.' आतापर्यंतच्या चौकशीदरम्यान राहुल गांधी यांना 'यंग इंडियन'ची स्थापना, 'नॅशनल हेराल्ड'चे ऑपरेशन आणि काँग्रेसने (Congress) असोसिएटेड जर्नल्स लिमिटेड (एजेएल) ला दिलेली कर्जे आणि निधी हस्तांतराशी संबंधित प्रश्न विचारण्यात आल्याचे समजते. सोनिया गांधी आणि राहुल गांधी यांच्यासह इतर काही काँग्रेस नेते 'यंग इंडियन'चे प्रवर्तक आणि भागधारक आहेत.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Rajat Patidar Century: 13 षटकार, 8 चौकार, 281 चा स्ट्राईक रेट! तडाखेबंद शतक ठोकून रजत पाटीदारने रचला नवा इतिहास; गोलंदाजांची उडवली झोप

मुंबईत रंगला 'गली क्रिकेट'चा थरार! प्रिन्स विल्यम आणि केट मिडलटनला क्रिकेटच्या देवाने दिले फलंदाजीचे धडे; व्हिडिओ तूफान व्हायरल

India vs Pakistan: पुन्हा एकदा रंगणार भारत-पाक महामुकाबला! हिसाब चुकता करण्यास टीम इंडिया सज्ज; हाय-व्होल्टेज लढतीकडे क्रिकेटप्रेमींचं लक्ष

Goa Politics: मांद्रेत आरोलकरांना मुख्यमंत्र्यांकडून बळ, विकासकामांचं केलं तोंडभरुन कौतुक; 2027 मध्ये जीत पुन्हा विक्रमी मतांनी निवडून येतील

VIDEO: पाकड्यांनी पुन्हा कॉपी केला भारतीय शो! समय रैनाच्या 'इंडियाज गॉट लेटेंट'नंतर आता 'पाकिस्तान गॉट लेटेंट'ची चर्चा; राखी सावंतच्या एन्ट्रीनं वेधलं लक्ष

SCROLL FOR NEXT