Jarnail Singh Bhindrawale: पंजाबमधील जर्नेलसिंग भिंद्रनवाला आणि त्याच्या समर्थकांचे फोटो हटवल्याप्रकरणी पंजाब सरकारने यू-टर्न घेतला आहे. 'आप' सरकार यापूर्वीही अनेक वेळा आदेश देऊन किंवा अशा मोठ्या निर्णयांना पाठिंबा देऊन मागे हटले आहे. अलीकडेच पेप्सू रोड ट्रान्सपोर्ट कॉर्पोरेशन (PRTC) पतियाळाने पंजाबच्या सरकारी बसमधून भिंद्रनवालाचा फोटो काढून टाकण्याचा आदेश मागे घेतला आहे.

दरम्यान, पेप्सू रोड ट्रान्सपोर्ट कॉर्पोरेशन पतियाळानुसार, अनेक धार्मिक संघटनांनी या निर्णयाला विरोध केला आहे. या निर्णयामुळे कोणाच्याही धार्मिक भावना दुखावल्या जाऊ नयेत, यासाठी जारी केलेला आदेश मागे घेण्यात आला आहे. नुकतेच डीजीपी कार्यालयाने जारी केलेल्या आदेशात काही अराजक घटकांनी सरकारी बसेसमध्ये भिंद्रनवालाचा फोटो लावला असल्याचे म्हटलेआहे. आदेशात हा फोटो काढून टाकण्यास सांगितले होते.

त्याचवेळी हा आदेश आल्यानंतर शिरोमणी गुरुद्वारा व्यवस्थापन समितीने विरोध दर्शवला आहे. यासोबतच समितीचे सदस्य गुरचरण ग्रेवाल यांनी ट्विट करुन आदेशाचा निषेध केला होता. त्याचबरोबर याआधीही अनेक प्रकरणांमध्ये सरकारने (Government) यू-टर्न घेतला आहे. 18 एप्रिल रोजी एडीजीपी ट्रॅफिक एएस राय यांनी सर्वोच्च न्यायालयाच्या (Supreme Court) आदेशानंतर पंजाबमध्ये (Punjab) चालणाऱ्या जुगाड वाहनांवर बंदी घातली होती, मात्र काही दिवसांनी सरकारने हा आदेश मागे घेतला.