पंजाबच्या अमृतसरमधून मोठी बातमी समोर येत आहे. येथील गुरुनानक रुग्णालयात आग लागली आहे. या घटनेनंतर परिसरात गोंधळाचे वातावरण निर्माण झाले होते. हॉस्पिटलच्या पाठीमागील ट्रान्सफॉर्मरमधून निघालेली ठिणगी हे आगीचे कारण असल्याचे सांगण्यात येत आहे. (punjab fire breaks out in amritsar guru nanak hospital patients are unable to get out)

मिळालेल्या माहितीनुसार, आग इतक्या वेगाने लागली की कोणालाही बाहेर पडण्याची संधी मिळाली नाही. रुग्णांनी आरडी-ओरडा सुरू केला. अग्निशमन दलाचे पथक आग विझवण्याचे प्रयत्न करत आहे.

हॉस्पिटलच्या पाठीमागील ट्रान्सफॉर्मर आग लागली, त्यानंतर आगीचा धूर संपूर्ण रुग्णालयात पसरला, त्यामुळे रुग्णांमध्ये घबराट पसरली आणि त्यांनी नातेवाईकांसह बाहेर रस्त्याकडे धाव घेतली. रुग्णालयाच्या विविध वॉर्डांमध्ये मोठ्या संख्येने रुग्ण बाहेर धावून रस्त्यावर पडून होते. रुग्णांच्या म्हणण्यानुसार, आगीच्या धुरामुळे त्यांना श्वास घेणे कठीण झाले होते, परंतु कोणीही त्यांना मदत केली नाही आणि त्यांनी स्वतःहून बाहेर येऊन त्यांचे प्राण वाचवले.