Presidential Election 2022: देशात राष्ट्रपती पदाची निवडणुक येत्या 18 जुलैला पार पडणार आहे. एनडीए ने द्रौपदी मुर्मूला यांना उमेदवारी दिली आहे, तर दुसरीकडे विरोधी पक्षाने यशवंत सिन्हा यांना उमेदवारी दिली आहे,आता कोणता पक्ष कोणाला पाठिंबा देतो,याकडे सर्वांचे लक्ष लागले आहे. याच पार्श्वभूमीवर आम आदमी पार्टी ने यशवंत सिन्हा यांना पाठिंबा जाहिर केला आहे.

याची घोषणा शनिवारी आम आदमी पक्ष्याचे संसद संजय सिंह यांनी केली. ते म्हणाले राष्ट्रपतीपदाच्या निवडणुकीत आम आदमी पक्ष यशवंत सिन्हा यांना पाठिंबा देणार आहे. आम्ही द्रौपदी मुर्मूंचा आदर करतो,मात्र यशवंत सिन्हा यांना मतदान करणार असल्याचे संजय सिंह म्हणाले.

राष्ट्रपती निवडणुकीत एकूण खासदार आणि आमदारांची संख्या यांची एकूण केली जाते.आता सध्या देशात एकूण मतांचे मूल्य 1,086,431 आहे,आणि राष्ट्रपती होण्यासाठी उमेदवाराला ५४३,२१६ मतांची आवश्यकता असते.सध्या राजकीय परिस्थितीनुसार,एनडीएकडे एकूण 533,751 मते आहेत.