पंतप्रधान नरेंद्र मोदी (PM Narendra Modi) सोमवारी युक्रेनचे अध्यक्ष व्होलोडिमिर झेलेन्स्की (Volodymyr Zelenskyy) यांच्याशी फोनवर बोलणार आहेत, अशी माहिती सूत्रांनी दिली आहे. भारत युद्धग्रस्त देशातील विद्यार्थ्यांसह भारतीय नागरिकांना बाहेर काढण्याचे तीव्र प्रयत्न करत असताना या संवादाला महत्त्व प्राप्त झाले. 26 फेब्रुवारी रोजी पंतप्रधानांनी पहिल्यांदा युक्रेनच्या राष्ट्राध्यक्षांशी फोनवरुन संवाद साधला होता. (PM Narendra Modi will hold talks with Ukrainian President Volodymyr Zelenskyy today)

मोदींनी युक्रेनमधील भारतीय नागरिकांच्या सुरक्षेबाबत चिंता व्यक्त केली आहे आणि शांतता प्रस्थापित करण्याच्या प्रयत्नांमध्ये योगदान द्यावे असेही ते म्हणाले होते, झेलेन्स्की यांनी संयुक्त राष्ट्रांमध्ये भारताचा पाठिंबा मागितला होता. मात्र, भारताने आतापर्यंत रशियाविरुद्धच्या ठरावांवरील सर्व मतदानापासून दूर राहिले.

"पंतप्रधान मोदी आज सकाळी युक्रेनचे अध्यक्ष झेलेन्स्की यांच्याशी फोनवर बोलतील," असे सरकारी सूत्रांनी सांगितले आहे. 3 मार्च रोजी, मोदींनी रशियाचे अध्यक्ष व्लादिमीर पुतिन यांच्याशीही संवाद साधला होता आणि युक्रेनमधील दुसऱ्या क्रमांकाचे सर्वात मोठे शहर खार्किवमधून भारतीय नागरिकांना बाहेर काढण्यासाठी रशियाची मदत मागितली होती.

भारत सरकार 'ऑपरेशन गंगा' (Operation Ganga) अंतर्गत, रोमानिया आणि हंगेरीसह शेजारील देशांद्वारे युक्रेनमधून भारतीय नागरिकांना मायदेशात आणण्यासाठी प्रयत्न करत आहे. सरकारच्या म्हणण्यानुसार, गेल्या एका आठवड्यात 10,000 हून अधिक भारतीय विद्यार्थ्यांना देशातून बाहेर काढण्यात आले. केंद्राने चार मंत्री युक्रेनच्या शेजारी देशांना पाठवण्यात आले आहेत.

केंद्रीय परराष्ट्र व्यवहार मंत्री एस. जयशंकर यांनी ट्विटरवरती सांगितले: "आज, 7 उड्डाणे अंदाजे 1200 भारतीय नागरिकांना घरी आणणार आहेत."