UP Groom Arrested: उत्तर प्रदेशातील फिरोजाबाद येथून एक अनोखी घटना समोर आली आहे. शहरातील रसूलपूर परिसरात राहणाऱ्या तरुणाला पोलिसांनी लग्नापूर्वीच तुरूंगात पाठवले आहे.

आरोपीला पोलिस ठाण्यात नेण्यात आले आणि नंतर त्याच्या मेंदीने माखलेल्या हातांना हातकड्या लावून तुरुंगात नेण्यात आले.

गुरुदेव नगरमध्ये राहणाऱ्या प्रशांत गुप्ता उर्फ ​​जॅकी या तरुणाचे 21 एप्रिल (शुक्रवार) रोजी लग्न होणार होते. घरी सर्व तयारी पूर्ण झाली. मिरवणुकीची जय्यत तयारी सुरू होती दरम्यान, अचानक पोलीस येतात आणि प्रशांत गुप्ता उर्फ ​​जॅकीला अटक करतात.

मिळालेल्या माहितीनुसार, प्रशांत गुप्ता उर्फ ​​जॅकी याच्यावर 12 गुन्हे दाखल आहेत. आरोपी तरुण हा रसूलपूर पोलीस ठाण्याच्या हद्दीतील हिस्ट्री शीटर आहे. आपला गुन्हेगारी इतिहास मुलींपासून लपवून तो लग्न करणार होता.

प्रशांतच्या हाताला मेहंदी लावलेली असताना पोलिसांनी त्याला अटक केली. लग्नापूर्वीच पोलिसांनी आरोपीला अटक करून न्यायालयात हजर केले व तेथून त्याची कारागृहात रवानगी करण्यात आली.

प्रशांत गुप्ताविरुद्ध अनेक मुलींशी लग्न करण्याच्या नावाखाली शोषण आणि अमली पदार्थांची तस्करी यासह 12 गुन्हे दाखल आहेत.

प्रशांत उर्फ ​​जॅकीविरुद्ध रसूलपूर पोलिस ठाण्यात डझनभर गुन्हे दाखल आहेत. यापैकी एका एफआयआरमध्ये महिलेने आरोपींवर शोषणाचा आरोप केला होता. या प्रकरणांमध्ये आरोपींचा जोरदार शोध सुरू होता.

आता आरोपी लग्न करणार असल्याची माहिती पोलिसांना मिळाली. त्यापूर्वीच त्याला अटक करून कारागृहात पाठवण्यात आले.