हैदराबाद मर्सिडीज सामूहिक बलात्कार प्रकरणात एका आरोपीला अटक करण्यात आली आहे. ही माहिती देताना पोलिसांनी सांगितले की, पाच आरोपींची ओळख पटली असून त्यात तीन अल्पवयीन आहेत. दुसरीकडे, या घटनेत वक्फ बोर्डाच्या अधिकाऱ्याचा मुलगा आणि एका मंत्र्याचा नातू यांचाही सहभाग असल्याचा आरोप भाजपने केला आहे. मात्र मंत्र्याच्या नाताने या घटनेतील आपला सहभाग नाकारला आहे.

दरम्यान, या मुलांनी कथितपणे जुबली हिल्स परिसरात एक मर्सिडीज कार उभी केली होती. बाकीचे कारच्या बाहेर पहारा देत असताना पीडितेवर सामूहिक बलात्कार करण्यात आला. पोलिसांनी दिलेल्या माहितीनुसार, आरोपी हे इयत्ता 11वी आणि 12वीचे विद्यार्थी आहेत.

शिवाय, या घटनेनंतर पीडितेच्या वडिलांनी पोलिसांत तक्रार केली. मुलीच्या वडिलांच्या जबाबावरुन आम्ही गुन्हा दाखल केल्याचे पोलिसांकडून (Police) सांगण्यात आले. मुलगी काही सांगण्याच्या मनस्थितीत नव्हती.