दुग्ध व्यवसायातून उत्पन्न वाढवू इच्छिणाऱ्या शेतकरी आणि पशुपालकांसाठी एक चांगली बातमी (latest agriculture scheme) आहे. हरियाणामध्ये (Haryana) 50 पशुसंख्या असलेल्या शेतकऱ्यांना डेअरी उभारण्याच्या खर्चामध्ये 25 टक्के सूट दिली जात आहे. हरियाणा सरकारने (Haryana Government)म्हटले आहे की, पशुसंवर्धन आणि दुग्धव्यवसाय (Dairy business) विभागामार्फत राज्यात दुधाची दरडोई उपलब्धता वाढवण्याच्या आणि दुग्ध व्यवसायातून बेरोजगार तरुणांना स्वयंरोजगार देण्याच्या उद्देशाने, दूध आणि दुग्धव्यवसायाशी संबंधित अनेक नवीन योजना चालवल्या जात आहेत.

एका अधिकृत प्रवक्त्याने आज सांगितले की, विभागाने हाय-टेक मिनी डेअरी योजनेअंतर्गत सामान्य श्रेणीतील पशुपालक 4, 10, 20 आणि 50 दुभत्या जनावरांसाठी डेअरी उभारू शकतात. 4 आणि 10 दुभत्या जनावरांची (म्हैस, गाय) डेअरी उभारणाऱ्या व्यक्तींना विभागाकडून 25 टक्के अनुदान दिले जाईल. तसेच 20 आणि 50 दुभत्या जनावरांच्या दुग्धशाळेवर व्याज अनुदान देण्याची तरतूद करण्यात आली आहे.

कोणाला मिळणार 90 % सबसिडी

या योजनेअंतर्गत, 2/3 दुभत्या जनावरांची डेअरी उभारण्यासाठी आणि त्याचबरोबर अनुसूचित जातीच्या व्यक्तींसाठी डुकरांच्या संगोपनासाठी 50 टक्के अनुदान दिले जाईल. त्यांनी सांगितले की मेंढ्या किंवा बकऱ्यांची डेअरी सुरू करणाऱ्या लोकांना 90 टक्के अनुदान दिले जाईल. या योजनांमुळे दुधाचे उत्पादन वाढेल.

यासाठी काय करावे लागेल

दुग्धव्यवसाय करू इच्छिणाऱ्या व्यक्तींना या पोर्टलवर नोंदणी करावी लागेल. नोंदणीच्या वेळी, कुटुंब ओळखपत्र, आधार कार्ड, पॅन कार्ड, बँक पासबुक, रद्द चेक आणि बँकेची एनओसी अपलोड करावी लागेल. विभागाद्वारे चालवल्या जाणाऱ्या योजनांबद्दल अधिक माहिती मिळवण्यासाठी कोणत्याही दिवशी विभागाच्या जवळच्या कार्यालयाशी संपर्क साधता येतो.