मध्य प्रदेशातील (Madhya Pradesh) भोपाळ (Bhopal) येथील विशेष न्यायालयाने सोमवारी स्थानिक वृत्तपत्र चालवणारे प्यारे मियाँ आणि त्याचा साथीदार मोहम्मद उवैस यांना अल्पवयीन मुलीवर बलात्कार केल्याप्रकरणी मरेपर्यंत जन्मठेपेची शिक्षा सुनावली आहे. (MP newspaper owner sentenced to life in prison for raping minor girl)

मुलांच्या लैंगिक गुन्ह्यांपासून संरक्षणासाठी अतिरिक्त सत्र न्यायाधीश (POCSO), कविता वर्मा यांनी देखील या गुन्ह्यात मुख्य आरोपी मियाँ, त्याचा साथीदार आणि पाच जणांना मदत करणाऱ्या स्वीटी विश्वकर्मा यांना 20 वर्षांची सश्रम कारावासाची शिक्षा सुनावली आहे. डॉ. हेमंत मित्तल याला अल्पवयीन पीडितेचा गर्भपात केल्याप्रकरणी अनेक वर्षे सश्रम कारावास सुनावण्यात आला.

याशिवायच, न्यायालयाने (Court) मियांवर एकूण 5.59 लाख रुपये दंड ठोठावला आणि इतर तीन दोषींना वेगवेगळ्या गुन्ह्यांमध्ये प्रत्येकी 10,000 रुपये दंड ठोठावला आहे. मियाँ, उवैस आणि विश्वकर्मा यांनी अनुक्रमे जबलपूर येथील मध्यवर्ती कारागृहातून आणि भोपाळ तुरुंगातून व्हिडिओ लिंकद्वारे न्यायालयात हजेरी लावली होती.

डॉ मित्तल जामिनावर बाहेर असल्याने ते प्रत्यक्ष न्यायालयात हजर झाले होते. आरोपींना पॉक्सो कायदा आणि भारतीय दंड संहितेच्या कलमांखाली दोषी ठरवण्यात आले आहे. अल्पवयीन पीडितेने 13 जुलै 2020 रोजी कोह-ए-फिजा पोलिस ठाण्यात तक्रार दाखल केली होती, असे सरकारी वकील पीएन सिंग राजपूत यांनी पीटीआयला न्यायालयात सांगितले.

जिल्हा न्यायालयाचे जनसंपर्क अधिकारी मनोज त्रिपाठी यांनी दिलेल्या माहितीनुसार, मुलीवर तीन वर्षे बलात्कार करण्यात आला होता. मियाँ यांच्यावर अल्पवयीन मुलांवरती बलात्कार केल्याप्रकरणी अन्य खटल्यांमध्येही खटला चालवला जात आहे. तो झोपडपट्टी भागातील गरीब मुलींना घरकामाचे काम देण्याच्या बहाण्याने आमिष दाखवत आणि नंतर पार्ट्यांमध्ये नेऊन त्यांचे लैंगिक शोषण करत. असे यावेळी न्यायालयात सांगण्यात आले.