Mothers day 2025 Wishes In Marathi

प्रत्येक माणसाच्या जीवनात एक व्यक्ती अशी असते जिने त्याला या जगात आणले, त्याचे लहानपण जपले, स्वप्नांना दिशा दिली आणि प्रत्येक संकटात त्याच्या पाठीशी उभी राहिली. ती व्यक्ती म्हणजे 'आई'. मातृदिन म्हणजे केवळ एका दिवशी आईला आठवण्याचा प्रसंग नसून, तिच्या अमर्याद प्रेमाची आणि त्यागाची आठवण करून देणारा एक खास दिवस आहे.

मातृदिनाचा इतिहास

मातृदिनाची संकल्पना प्राचीन ग्रीस आणि रोमन संस्कृतीपासून सुरू झाली असे मानले जाते. मात्र आधुनिक मातृदिन साजरा करण्याची परंपरा अमेरिकेत सुरू झाली. अ‍ॅना जार्विस या महिलेला आपल्या आईबद्दल असलेले प्रेम आणि तिच्या कार्याची आठवण म्हणून 1908 साली पहिला 'मदर्स डे' आयोजित केला गेला. पुढे 1914 साली अमेरिकेचे अध्यक्ष वूड्रो विल्सन यांनी अधिकृतपणे मे महिन्याच्या दुसऱ्या रविवारला 'मदर्स डे' म्हणून जाहीर केले.

मातृदिनाचे महत्त्व

आजच्या धावपळीच्या जीवनात आईसाठी वेळ काढणे कठीण झाले आहे. अनेकदा आपण तिच्या भावना, तिचा वेळ आणि तिचे योगदान दुर्लक्षित करतो. मातृदिन हा केवळ तिला शुभेच्छा देण्याचा दिवस नसून, तिच्या मोलाचे स्मरण करून, तिला मनापासून धन्यवाद देण्याची संधी आहे.

आई ही केवळ निसर्गाची देणगी नसून, ती आपल्यासाठी जीवनाचं खरं पाठबळ आहे. मातृदिन हा फक्त एक दिवस नसावा, तर प्रत्येक दिवशी तिच्या प्रेमाची आणि त्यागाची आठवण ठेवायला हवी. आईला एक दिवसाचं मान देण्यापेक्षा रोज तिच्या अस्तित्वाला मान देणं हेच तिच्या प्रती असलेले खरे प्रेम ठरेल.

आईसाठी खास मराठमोळ्या शुभेच्छा Mothers day Wishes In Marathi

• आई म्हणजे निस्वार्थ प्रेम… आई म्हणजे आकाशाएवढं आश्रय! मातृदिनाच्या मनःपूर्वक शुभेच्छा!

• तुझं हास्यच माझ्या आयुष्याची खरी प्रेरणा आहे, आई! तुला मातृदिनाच्या प्रेमळ शुभेच्छा!

• तू नसतीस तर आज मी इथेच नसतो… आई, तुझा ऋणातच आहे! मातृदिनाच्या खूप खूप शुभेच्छा!

• जगातले सगळे नातं तुटू शकतात… पण आईचं नातं अजोड असतं. मातृदिनाच्या शुभेच्छा!

• आईसारखी माया कोणालाच देता येत नाही… तूच माझं विश्व आहेस! मातृदिनाच्या हार्दिक शुभेच्छा!

• जेव्हा सगळं जग मला झापतं, तेव्हा तूच एकटी समजून घेतेस… आई!

• आई म्हणजे गोड वरण-भात… रोज लागणारी आणि कधी न कंटाळणारी माया!

• तू रागावतेस तेवढंच प्रेम करतेस… आणि म्हणूनच आई म्हणजे खास असतेस!

• आई म्हणजे Google पेक्षा जास्त माहिती असलेली व्यक्ती! मातृदिनाच्या शुभेच्छा!

• आई, तुझं Wi-Fi सारखं प्रेम नेहमी connect असतं… disconnect कधीच होत नाही!

• 'आई' या नावातच जादू आहे… प्रेम, त्याग आणि सामर्थ्याचं सुंदर रूप!

• मातृदिन एक दिवसाचा नाही… ती तर संपूर्ण आयुष्याची भावना आहे!

• प्रत्येक यशामागे एकच आवाज सतत ऐकू येतो – “जा बाळा, मी तुझ्या पाठीशी आहे.”

• स्वर्ग जर जमिनीवर कुठे असेल, तर तो आईच्या पायांखाली आहे!

• Happy Mother's Day! कारण देव सगळीकडे जाऊ शकत नाही, म्हणून त्याने आई दिली!

• आई, तुझं हसणं हेच माझं सर्वात मोठं बक्षीस आहे!

• तू मला चालायला शिकवलंस, पण जगायचं धाडसही तूच दिलंस!

• आज जे काही आहे, ते फक्त तुझ्यामुळेच… माझी आई, माझा अभिमान!

• आई, तुझं ममत्व मला प्रत्येक संकटातून बाहेर काढतं!

• तू जेव्हा माझ्या केसांवरून हात फिरवतेस, तेव्हा जग जिंकावं अशी ताकद मिळते!