Mentally Disabled Man Burnt Alive For Insurance Claim: पैशांच्या लालसेपोटी एखादा व्यक्ती कोणत्याही थराला जाऊ शकतो. याचे जिवंत उदाहरण गुजरातमध्ये पाहायला मिळाले. एका व्यक्तीने आपल्या कारमध्ये एका दिव्यांग तरुणाला जिवंत जाळले आणि मृतदेह आपल्याच मुलाचा असल्याचा दावा करुन विमा म्हणून 90 लाख रुपये हडपले.

दरम्यान, त्याच्या कुटुंबात मालमत्तेवरुन वाद निर्माण झाल्यावर त्याच्याच नातेवाइकांनी पोलिसांकडे हकीकत सांगितली आणि तब्बल 17 वर्षांनंतर खोट्या मृत्यूचे रहस्य उघड झाले. अहमदाबाद पोलिसांनी (Police) तपास केला तेव्हा या घटनेचा उलघडा झाला आणि आरोपींना ओळखण्यात आले, जे फरार असल्याचे सांगितले जात आहेत.

आरोपीच्या काकानेच त्याचा पर्दाफाश केला

मीडिया रिपोर्ट्सनुसार, अहमदाबाद (Ahmedabad) क्राइम ब्रँच पोलिस या प्रकरणाचा तपास करत आहेत. अनिल मलिक आणि त्याचे वडील विजयपाल हे आरोपी दानकौर शहरातील परसौल गावचे रहिवासी आहेत.

मालमत्तेच्या वादातून अनिलचे काका धरमपाल यांनी हे गुपित पोलिसांसमोर उघड केले. त्यांनी सर्वप्रथम नोएडातील गौतम बुद्ध नगरच्या पोलीस आयुक्तांकडे तक्रार केली, मात्र पोलिसांनी हे प्रकरण मागे टाकले होते.

नोएडा पोलिसांनी कारवाई न केल्यावर धरमपाल यांनी अहमदाबाद क्राइम ब्रँचला अनिल जिवंत असल्याची माहिती दिली. क्राइम ब्रांच पोलिसांनी तपास केला असता सत्य समोर आले. अनिलचे मास्टरमाईंड वडील विजयपाल यांनी विमा कंपनीला लाखो रुपयांचा गंडा घालण्याचा कट रचल्याचे उघड झाले.