Delhi Crime: दिल्लीतील द्वारका सेक्टर-14 परिसरात एका ऑटोरिक्षा चालकाचा चाकूने वार करुन खून केल्याची घटना समोर आली आहे. हत्येच्या आरोपाखाली पोलिसांनी दोघांना अटक केली आहे. 2012 च्या छावला सामूहिक बलात्कार आणि हत्या प्रकरणातून अटक केलेल्या दोन हल्लेखोरांपैकी एकाची सर्वोच्च न्यायालयाने नुकतीच निर्दोष मुक्तता केली होती.

शनिवारी याबाबत माहिती देताना पोलीस (Police) अधिकाऱ्याने सांगितले की, विनोद व्यतिरिक्त पवन असे अन्य आरोपीचे नाव आहे. 26 जानेवारी रोजी मुनिरका येथील रहिवासी असलेल्या 44 वर्षीय अनार सिंग याची द्वारकाच्या सेक्टर-13 मध्ये चाकूने वार करुन हत्या करण्यात आली होती. त्याच्या मानेवर वार केले होते.

पोलिसांनी सांगितले की, आरोपींच्या (Accused) चौकशीत समोर आले की, द्वारकाला पोहोचल्यावर आरोपींनी चालकाला लुटण्याचा प्रयत्न केला. परंतु ऑटोचालकाने प्रतिकार केल्यावर त्यांनी त्याला धक्काबुक्की करुन पळ काढला.

एका वरिष्ठ पोलीस अधिकाऱ्याने दिलेल्या माहितीनुसार, विनोदची नुकतीच तुरुंगातून सुटका झाली आहे. छावला गँगरेप आणि खून प्रकरणात तो जवळपास 10 वर्षे तुरुंगात होता.

2012 मध्ये, सर्वोच्च न्यायालयाने दिल्लीतील छावला येथे 19 वर्षीय मुलीवर सामूहिक बलात्कार आणि हत्या प्रकरणात दोषी ठरलेल्या तीन जणांची निर्दोष मुक्तता केली. अपहरणानंतर तीन दिवसांनी मुलीचा विकृत मृतदेह सापडला होता. ही महिला गुरुग्रामच्या सायबर सिटी परिसरात काम करत होती आणि ती उत्तराखंडची रहिवासी होती.