कर्नाटकातील दोन शैक्षणिक संस्थांमध्ये कोरोनाने कहर केला आहे. एका संस्थेत 14 कोरोना रुग्ण आढळले आहेत, तर दुसऱ्या संस्थेत 19 रुग्ण आढळले आहेत. ही चिंतेची बाब आहे कारण या 33 रुग्णांपैकी पाच रुग्ण ओमिक्रॉनची आहेत. याशिवाय यूकेमधील एक व्यक्ती ओमिक्रॉन पॉझिटिव्ह आढळली आहे. कर्नाटक सरकार याकडे गांभीर्याने पाहत आहे.

एकाच ठिकाणी इतके बाधित रुग्ण आढळून आल्यामुळे राज्य सरकारचे धाबे दणाणले आहेत. प्रशासनाने तत्काळ कारवाई केली, मात्र प्रकरणांमध्ये झपाट्याने वाढ झाल्याने आव्हान वाढले आहे. देशातही ओमिक्रॉनचा वेग झपाट्याने वाढत आहे. अशातच आता तिसऱ्या लाटेची भीतीही सतावत आहे.

तज्ञ काय म्हणाले?

ओमिक्रॉनमुळे पुढच्या वर्षी तिसरी लाट येण्याची शक्यता तज्ज्ञांनी व्यक्त केली आहे. रुग्ण दुसऱ्या लाटेपेक्षा थोडी कमी असू शकतात, परंतु दररोज एक लाखाहून अधिक रुग्ण समोर येऊ शकतात. राष्ट्रीय कोविड-19 (covid-19) सुपरमॉडेल समितीने हा अंदाज लावला आहे. त्यांच्या मते, तिसरी लाट दुसऱ्या लाटेपेक्षा कमी प्राणघातक असू शकते, परंतु रुग्ण वाढू शकतात. ओमिक्रॉन डेल्टा व्हेरियंटपेक्षा वेगाने पसरू शकतो अशी भीती देखील आहे.

जगातील परिस्थिती कशी आहे?

ओमिक्रॉन (omicron-variant) बद्दल जास्त माहिती समोर आलेली नाही. सुरुवातीच्या संशोधनानंतर, हे डेल्टा पेक्षा जास्त संसर्गजन्य असल्याचे सांगितले जात आहे. हाँगकाँग विद्यापीठाने ते 70 टक्क्यांपर्यंत अधिक संसर्गजन्य असल्याचे मानले आहे. डब्ल्यूएचओ (WHO) असेही म्हणत आहे की ओमिक्रॉनमुळे दर 1.5 दिवसांनी रुग्ण दुप्पट होत आहेत.

जिथे सामुदायिक मेळावे, सभा झाल्या आहेत, त्या ठिकाणी ते अधिक वेगाने पसरत असल्याचे दिसते. ब्रिटनमध्येही आता रुग्ण वेगाने वाढत आहेत. दररोज जवळपास एक लाख बाधित रुग्ण समोर येत आहेत. या वाढत्या रुग्णांच्या पार्श्वभूमीवर भारतात बूस्टर डोसबाबत वाद सुरू झाला आहे. अद्याप कोणतीही घोषणा झालेली नाही, मात्र केंद्राने त्यावर विचारमंथन सुरू केले आहे.