देशात अनेक ठिकाणी मुसळधार पावसामुळे अनेक ठिकाणी जनजीवन विस्कळीत झाले असुन अनेक ठिकाणी दरडी कोसळल्याच्या घटना घडल्या आहेत. त्यातच आता जम्मू-काश्मीरमध्ये ढगफुटीची आणखी एक घटना घडली आहे. यावेळी जम्मू-काश्मीरमधील किश्तवार जिल्ह्यात झालेल्या ढग फुटीची घटना घडली असुन या घटनेत आतापर्यंत 4 जणांचा मृत्यू झाला आहे. (Kashmir Cloudburst: 7 killed in flash floods, check horrific videos)

किश्तवार जिल्ह्यातील होन्जार गावात ही घटना घडली असुन या घटनेत आठ ते दहा घरे ढिगाऱ्याखाली दबल्या गेली आहेत. जम्मू-काश्मीरचे उपपोलिस आयुक्तांनी सांगितले की घटनास्थळावरून चार मृतदेह ताब्यात घेण्यात आले आहेत. ढिगाऱ्याखाली दबलेल्या इतर लोकांचा शोध सुरू आहे. केंद्रीय मंत्री जितेंद्र सिंह यांनी ट्वीट करून म्हटले आहे की 30 ते 40 लोक बेपत्ता आहेत.

जखमींना रुग्णालयात नेण्यासाठी हवाई दलाची मदत घेण्यात आली आहे. केंद्रीय मंत्री जितेंद्र सिंह म्हणाले कीबेपत्ता झालेल्या लोकांच्या 30 ते 40 शोधासाठी SDRF आणि सैन्य मदत आणि बचाव कार्यासाठी घटनास्थळी रवाना झाले आहे. हा भाग किश्तवारच्या उंचावर असुन, जिथे रस्त्याने जाणे सुद्धा शक्य होत नाही.

राष्ट्राध्यक्ष राम नाथ कोविंद यांनी किश्तवार जिल्ह्यात ढगफुटीमुळे झालेल्या घटनेत मृत्यू झालेल्या लोकांना श्रद्धांजली अर्पण केली असुन, त्यांनी ट्विट केले की, “जम्मू-काश्मीरच्या किश्तवाड मध्ये ढगफुटीमुळे अनेक लोकांचा मृत्यू झाल्याने फार दु: खी झालो आहोत. बेपत्ता लोकांचा शोध घेण्यासाठी सुरू असलेल्या मदत आणि बचाव कार्य यशस्वी व्हावे अशी इच्छा व्यक्त करतो आणि शोकग्रस्त कुटुंबांबद्दल संवेदना व्यक्त करतो. विशेष म्हणजे एक दिवस अगोदर राष्ट्रपती जम्मू-काश्मीरच्या दौर्‍यावर होते.