जम्मूच्या रेसिडेन्सी रोड परिसरात झालेल्या स्फोटात तीन जणांचा मृत्यू झाला आहे. तर 20 हून अधिक जण जखमी झाल्याचे सांगण्यात येत आहे. हा स्फोट एका दुकानात झाला. पोलीस या प्रकरणाच्या तपासात गुंतले आहेत. स्फोटाचे कारण शोधले जात आहे. घटनास्थळावरुन अनेक पुरावेही गोळा करण्यात आले आहेत. (Jammu blast kills three injures more than 20)

दरम्यान, सोमवारी संध्याकाळी रेसिडेन्सी रोडवर भीषण स्फोट झाला. स्फोटाच्या आवाजाने परिसर हादरला. शहरातील गजबजलेल्या परिसरात स्फोटाच्या घटनेने अधिकाऱ्यांचेही धाबे दणाणले. लोकांमध्ये घबराटीचे वातावरण होते. माहिती मिळताच पोलिसांचा ताफा घटनास्थळी पोहोचला.

परिसरात सुरक्षा दलांचा मोठा बंदोबस्त तैनात

स्फोटात जखमी झालेल्यांना उपचारासाठी रुग्णालयात (Hospital) दाखल करण्यात आले आहे. मृतांच्या कुटुंबीयांमध्ये शोककळा पसरली आहे. या स्फोटाबाबत अद्याप कोणतेही अधिकृत वक्तव्य आलेले नाही. मिळालेल्या माहितीनुसार, प्रथमदर्शनी हा एलपीजी सिलेंडरचा स्फोट असल्याचा संशय आहे, परंतु प्लॉट पॉईंटवर देखील तपास केला जात आहे. पोलिस आणि इतर सुरक्षा दलांची संयुक्त पथके मोठ्या प्रमाणात तैनात करण्यात आली आहेत.