अनेक देशांमध्ये सुरू असलेल्या भारताच्या मोठ्या शोध मोहिमेत, मुंबई 1993 च्या साखळी बॉम्बस्फोट प्रकरणातील भारतातील मोस्ट वाँटेड दहशतवाद्यांपैकी एक अबू बकर याला पकडण्यात भारतीय यंत्रणांना यश आले आहे. या स्फोटात मुंबईत वेगवेगळ्या ठिकाणी 12 बॉम्बस्फोट झाले. ज्यामध्ये 257 लोकांचा मृत्यू झाला होता तर 713 लोक जखमी झाले होते. मिळालेल्या माहितीनुसार, आता अटक करण्यात आलेला दहशतवादी अबू बकरला यूएईमधून भारतात आणण्यात येणार आहे.

अबू बकर असे पकडण्यात आलेल्या दहशतवाद्याचे (terrorist) नाव असून तो पीओकेमध्ये शस्त्रास्त्रे आणि स्फोटकांच्या प्रशिक्षणाशिवाय मालिका बॉम्बस्फोटात (Bomb blast) वापरलेले आरडीएक्स उतरवण्यात सहभागी होता. जो संयुक्त अरब अमिराती आणि पाकिस्तानमध्ये राहत होता. भारतीय एजन्सीच्या माहितीवरून त्याला नुकतेच यूएईमध्ये पकडण्यात आले. माहितीनुसार, याआधी 2019 मध्ये देखील अबू बकरला अटक करण्यात आली होती, परंतु काही कागदोपत्री प्रकरणांमुळे तो UAE अधिकाऱ्यांच्या ताब्यातून सुटका करण्यात यशस्वी झाला होता. उच्च सूत्रांनी पुष्टी केली आहे की भारतीय एजन्सी अबू बकरच्या प्रत्यार्पणाच्या प्रक्रियेत आहेत, जो बऱ्याच काळापासून देशाच्या मोस्ट वॉन्टेड यादीत होता. जवळपास 29 वर्षांनी UAE मधून परत आणल्यानंतर वॉन्टेड बकरला भारतात कायद्याचा सामना करावा लागणार आहे.

अबू बकर ज्याचे पूर्ण नाव अबू बकर अब्दुल गफूर शेख आहे, जो मोहम्मद आणि मुस्तफा डोसासोबत तस्करीत सामील होता, जो दाऊद इब्राहिमचा मुख्य लेफ्टनंट होता. तो आखाती देशांतून सोने, कपडे आणि इलेक्ट्रॉनिक्स वस्तूंची मुंबई (Mumbai) आणि नजीकच्या लँडिंग पॉइंटमध्ये तस्करी करत असे. 1997 मध्ये त्याच्या विरोधात रेड कॉर्नर नोटीस जारी करण्यात आली होती आणि तेव्हापासून त्याला पकडण्यासाठी शोधाशोध सुरू होती जी आता यूएईच्या सूत्रांनुसार यशस्वी झाली आहे.