India tests Ballistic Missile: अण्विक क्षमतेने परिपुर्ण असलेली भारतीय पाणबुडी आयएएस अरिहंतने शुक्रवाकरी बॅलेस्टिक मिसाईलचे यशस्वी परीक्षण केले. संरक्षण मंत्रालयाने ही माहिती दिली आहे. बंगालच्या उपसागरातील लक्ष्य या क्षेपणास्त्राने अत्यंत अचूकतेने भेदले.

संरक्षण मंत्रालयाने म्हटले आहे की, अण्वस्त्र वापराबाबत भारताचे एक धोरण आहे, ते म्हणजे नो फर्स्ट युज पॉलिसी. त्यानुसार भारत स्वतः कधीही प्रथम अण्वस्त्रांचा वापर करणार नाही. पण, अण्वस्त्र संपन्न राष्ट्रांशी लढताना भारतही सक्षम असावा या उद्देशाने ही क्षमता भारत वाढवत आहे. किमान प्रतिकार क्षमता असे भारताचे धोरण आहे.

त्याअंतर्गत ही चाचणी करण्यात आली आहे. आयएनएस अरिहंतने एसएलबीएम ची यशस्वी चाचणी केली, यातून हे क्षेपणास्त्र ऑपरेट करणाऱ्या चालक दलाचीही योग्यता सिद्ध झाली आहे. देशाच्या अण्वस्त्ररोधी क्षमतेसाठी हे खूप महत्वाचे आहे, असे मंत्रालयानेही म्हटले आहे. सर्व ऑपरेशनल आणि टेक्निकल पॅरामीटर्सची पुर्तताही यात चाचणीतून झाली आहे.

अशी आहे आयएनएस अरिहंत?

आयएनएस अरिहंत ही भारताची एकमेव अण्वस्त्र संपन्न पाणबुडी आहे. यातून बॅलेस्टिक क्षेपणास्त्रे डागली जाऊ शकतात. ही पाणबुडी जमिन, हवेत आणि समुद्रातही अण्वस्त्र हल्ला करण्याची क्षमता असलेली आहे. भारतावर अण्वस्त्र हल्ला करण्याची ताकद असलेल्या शत्रु राष्ट्रांपासून आयएनएस अरिहंत ही पाणबुडी भारताचे रक्षण करते. ही पाणबुडी भारतानेच विकसित केलेली आहे. 110 मीटर लांबी आणि 11 मीटर रूंदी असलेल्या या पाणबुडीचे वजन 6000 टन आहे.