नवी दिल्ली: पाकिस्तानने भारतात ड्रोन हल्ला करण्याचा प्रयत्न केल्यानंतर आता भारताने देखील पाकला जशास तशे उत्तर दिले आहे. भारताने पाकिस्तानची राजधानी इस्लामाबाद, कराची आणि बहावलपूरमध्ये हवाई हल्ला केल्याची माहिती समोर आली आहे. पाकव्याप्त काश्मीर, सियालकोट, लाहोर, कराची या ठिकाणी पाकिस्तानकडून ब्लॅकआऊट करण्यात आला आहे. भारताने पाकिस्तानमध्ये क्षेपणास्त्र डागल्याची माहिती सूत्रांकडून मिळत आहे.

माध्यमांमधून समोर आलेल्या माहितीनुसार, भारताने केलेल्या हल्ल्याचे इस्लामाबादमध्ये मोठ्या स्फोटाचे आवाज ऐकू आले आहेत. याशिवाय लाहोर, कराचीमध्ये देखील स्फोटाचे आवाज ऐकू आल्याची महिती समोर आली आहे. भारतीय सैन्याच्या हल्ल्यामुळे घाबरलेल्या पाकिस्तानने या शहरांमध्ये अगोदर ब्लॅकआऊट जारी केला आहे. पाकिस्ताने भारतात हल्ला करण्याचा प्रयत्न केल्यानंतर भारतीय सैन्यांकडून त्यांना चोख प्रत्युत्तर दिले जात आहे.

नौदलाकडूनही हल्ला

पाकिस्तानच्या या कारवाईनंतर भारतीय नौदल देखील अॅक्शनमोडमध्ये आले असून, कराची बंदरावर हल्ला करण्यात आला आहे. समुद्रात तैनात असलेल्या आयएनएस विक्रांत आणि कोलकत्ता क्लास डिस्ट्रॉयर वरुन कराची बंदरावर दहा क्षेपणास्त्र डागण्यात आल्याची माहिती समोर आली आहे.

सेनाप्रमुख असीम मुनीरला ताब्यात घेतल्याची माहिती

भारत - पाक यांच्यात सुरु असलेल्या या घडामोडी दरम्यान, पाकिस्तानी सेनाप्रमुख असीम मुनीरला ताब्यात घेतल्याची माहिती समोर आली आहे. असीम मुनीर याला युद्धाची खुमखुमी होती त्यामुळे पाकिस्तानवर ही परिस्थिती ओढवल्याचे बोलले जात आहे. यानंतर मुनीरला ताब्यात घेण्यात आले आहे. त्याच्याविरोधात देशद्रोहाचा खटला चलवला जाणार असल्याची माहिती देखील माध्यामांमधून समोर येत आहे.