भारत आणि ऑस्ट्रेलिया यांच्यातील तीन सामन्यांच्या एकदिवसीय कसोटी मालिकेतील पहिला सामना १९ ऑक्टोबर रोजी पर्थ येथे खेळवण्यात आला. भारताने पहिल्या सामन्यात खराब फलंदाजी करून ऑस्ट्रेलियाला सहज विजय मिळवून दिला. हा पराभव भारतीय संघासाठी धक्कादायक ठरला असून, मालिकेत भारत आता ०-१ ने पिछाडीवर आहे.

सामन्यानंतर भारतीय कर्णधार शुभमन गिलने पराभवाबाबत महत्त्वपूर्ण विधान केले. गिल म्हणाला, “हे कधीच सोपे नसते. जेव्हा तुम्ही पॉवरप्लेमध्ये तीन महत्त्वाच्या विकेट्स गमावता, तेव्हा तुम्हाला नेहमीच पुनरागमन करण्याचा प्रयत्न करावा लागतो.

२६ षटकांत १३० धावांचा बचाव करून आम्ही खेळ अधिक खोलवर नेण्याचा प्रयत्न केला, त्यामुळे आम्ही काही प्रमाणात समाधानी आहोत. आम्हाला भाग्यवान वाटते की जिथेही खेळतो तिथे प्रेक्षकांची गर्दी मोठ्या संख्येने असते.”

शुभमन गिलने स्पष्ट केले की पॉवरप्लेमध्ये भारताने आपले महत्त्वाचे विकेट्स गमावल्यामुळे संघ मागे पडला आणि सामन्यात पुनरागमन करणे शक्य झाले नाही. भारताने पॉवरप्लेमध्ये रोहित शर्मा, विराट कोहली आणि स्वतः गिलच्या विकेट्स गमावल्या.

भारताने प्रथम फलंदाजी करताना २६ षटकांत १३६ धावा केल्या. पावसामुळे सामना कमी करून २६ षटकांचा केला गेला होता. रोहित शर्मा फक्त १४ चेंडूत ८ धावा करून बाद झाला, तर शुभमन गिल १८ चेंडूत १० धावा करून पॅव्हेलियनमध्ये परतला. विराट कोहलीही अपयशी ठरला आणि मिशेल स्टार्कने त्याला ८ चेंडूत शून्यावर बाद केले. त्यानंतर, कॅप्टन केएल राहुल ३१ चेंडूत ३८ धावा करून संघाला काही प्रमाणात आधार दिला. अक्षर पटेलने ३८ चेंडूत ३१ धावा केल्या.

ऑस्ट्रेलियाने लक्ष्याचा पाठलाग करताना फक्त २१.१ षटकांत ७ विकेट्स गमावून विजय मिळवला. ऑस्ट्रेलियाच्या कर्णधार मिशेल मार्शने ५२ चेंडूत सर्वाधिक ४६ धावा केल्या. जोश फिलिप्सने २९ चेंडूत ३७ धावा केल्या, तर मॅट रॅट्सोने २४ चेंडूत २१ धावा करून संघाला विजयानंतर सुलभ स्थितीत ठेवले.

हा सामना भारतासाठी धक्कादायक ठरला, विशेषतः पॉवरप्लेतील खराब सुरुवातीमुळे संघाला पुनरागमनाची संधी मिळाली नाही. भारतीय संघ आता दुसऱ्या सामन्यासाठी योग्य रणनीती आखत मैदानात उतरला आहे, जेणेकरून मालिकेत आपले वर्चस्व पुन्हा मिळवता येईल.