In Uttar Pradesh, grooms poured boiling oil on the chef after not serving hot roti:

उत्तर प्रदेशातील बदायूं जिल्ह्यातून एक धक्कादायक घटना समोर आली आहे. बदाऊनच्या मुसाझग भागातील एका गावात लग्न होते. मोठा गाजावाजा करत आलेल्या वरातीचे जोरदार स्वागत करण्यात आले.

पण जेवायची वेळ आल्यावर लग्नातील काही पाहुण्यांना गरम रोटी मिळू शकली नाही. त्यामुळे रागावलेल्या पाहुण्यांनी आचाऱ्यावरच उकळते गरम तेल ओतले. यानंतर आचारी गंभीर भाजल्याने त्याला खासगी रुग्णालयात दाखल करण्यात आले.

लग्नात गरम रोटी न मिळाल्याने संतापलेल्या लग्नातील पाहुण्यांनी आचाऱ्यावर उकळते तेल ओतल्याची माहिती मिळाली समोर आली आहे. गंभीर भाजलेल्या आचाऱ्याला खासगी रुग्णालयात दाखल करण्यात आले आहे.

पोलिस सूत्रांनी गुरुवारी सांगितले की, मूसझग पोलीस स्टेशन परिसरात राहणारे पन्नालाल यांच्या मुलीचे २९ नोव्हेंबर रोजी लग्न होते.

आरोपी वऱ्हाडी कासगंज जिल्ह्यातील सोरोन पोलीस स्टेशन हद्दीतील लहारा गावातून आले होते. यावेळी वराचे काका इंद्रपाल पाली यांच्यासह काही लोक रात्री उशिरा जेवायला बसले. सूत्रांनी सांगितले की, त्यांनी गरम रोटी मागितली पण तंदूर उशिर झाल्याने विझला असल्याने वेटरने गरम रोटी नसल्याचे सांगितले.

यावर इंद्रपाल आणि त्यांचे तीन मित्र संतापले आणि त्यांनी शिवीगाळ करत आचाऱ्याला बोलावण्यास सांगितले.

पण आचारी वधूच्या निरोपाच्या वेळी लग्नातील पाहुण्यांसाठी नाश्ता बनवण्यात व्यस्त होता. त्यामुळे त्याने येण्यास नकार दिला. त्यामुळे संतापलेल्या इंद्रपाल आणि त्याचे मित्र घटनास्थळी पोहोचले आणि त्यांनी आचाऱ्यावर उकळते तेल ओतले. घटनेनंतर आरोपी तेथून पळून गेले.

सूत्रांनी सांगितले की, आचाऱ्याच्या मालकाने पोलिसांना या प्रकरणाची माहिती देत तक्रार दाखल केली. आणि आचाऱ्याला खासगी रुग्णालयात (Hospital) दाखल केले. त्याची प्रकृती चिंताजनक असल्याचे सांगण्यात येत आहे.

मूसाजहाग पोलिस स्टेशनचे प्रभारी महेंद्र पाल सिंह यांनी सांगितले की, या प्रकरणी FIR दाखल करण्यात आला असून, लग्नातील आरोपींना लवकरच अटक करण्यात येईल.