Unique Race Video Viral: सोशल मीडिया हे व्हायरल कंटेंटचे एक प्लॅटफॉर्म आहे. या प्लॅटफॉर्मवर तुम्हाला कधीही कंटाळा येणार नाही, कारण लोक दिवसभर काही ना काही पोस्ट करतच असतात. याच पोस्टमधून अनेक व्हिडिओ आणि फोटो व्हायरल होतात. जे व्हिडिओ सगळ्यात हटके असतात किंवा जे लोकांचे लक्ष वेधून घेतात, ते लगेच व्हायरल होतात. सोशल मीडियावर सध्या असाच एक व्हिडिओ तूफान व्हायरल होत आहे. या व्हिडिओमध्ये एका आगळ्यावेगळ्या शर्यतीचे दृश्य पाहून नेटकरी थक्क झाले आहेत.

आधी हा व्हिडिओ पाहा

नवऱ्याला कमरेवर घेऊन बायका धावल्या

व्हायरल झालेल्या या व्हिडिओमध्ये एक अनोखी शर्यत पाहायला मिळते. व्हिडिओच्या एका बाजूला काही महिला उभ्या आहेत, तर दुसऱ्या टोकावर त्यांचे नवरे उभे आहेत. शर्यतीची सुरुवात होताच सर्व महिला (Womens) आपल्या नवऱ्यांकडे धावत जातात. तिथे पोहोचल्यावर त्या आपापल्या नवऱ्यांना कमरेवर उचलून घेतात आणि पुन्हा मागे धावत येतात. ज्या ठिकाणाहून त्यांनी शर्यत सुरु केली होती, त्याच ठिकाणी त्या परत येतात.

अनोख्या रेसने वेधले लक्ष

अशा प्रकारची शर्यत सहसा कुठेही पाहायला मिळत नाही आणि म्हणूनच हा व्हिडिओ सोशल मीडियावर प्रचंड व्हायरल होत आहे. हा व्हिडिओ एक्स (X) या सोशल मीडिया प्लॅटफॉर्मवर @VishalMalvi_ नावाच्या अकाऊंटवर शेअर करण्यात आला आहे. व्हिडिओ पोस्ट करताना कॅप्शनमध्ये म्हटले की, “आम्हा मुलांना आमच्या आवडत्या मुलीकडून असेच 'प्रिन्स ट्रीटमेंट' हवे आहे.”

व्हिडिओ व्हायरल झाल्यापासून त्याला लाखो व्ह्यूज आणि लाईक्स मिळाले आहेत. हा व्हिडिओ पाहून अनेकांनी मजेशीर प्रतिक्रिया दिल्या आहेत. एका युजरने कमेंट केली आहे, “त्यासाठी तुम्हाला 'साईज झीरो' बनावे लागेल.” दुसऱ्या एका युजरने म्हटले की, "वजन कमी असले पाहिजे." तर आणखी एकाने लिहिले आहे, "अरे गजब!" अनेक यूजर्संनी व्हिडिओमधील महिलांच्या ताकदीचे कौतुक केले आणि ही शर्यत खूपच मजेदार असल्याचे म्हटले. या अनोख्या शर्यतीने सोशल मीडियावर (Social Media) एक नवा ट्रेंड सुरु केला आहे.