पाकिस्तान भारताशी थेट दोन हात करु शकत नाही. त्यामुळे छुप्या मार्गाने भारतावर हल्ले करण्याच्या प्रयत्नात पाकिस्तान असतो. यासाठी वेगवेगळे प्रयत्न होत असतात. असाच प्रयत्न पुन्हा एकदा पाकिस्तानकडून झाल्याचा संशय दिल्ली पोलिसांनी व्यक्त केला आहे. यात पाकिस्तानी ISAचा हात असल्याचा संशय व्यक्त केला आहे. (Honey trap experiment on Indian soldier by enemy nation again ? )

मिळालेल्या माहितीनुसार, दिल्ली पोलिसांच्या गुन्हे शाखेने भारतीय हवाई दलाच्या एका जवानाला हेरगिरीच्या आरोपाखाली अटक केली आहे. देवेंद्र शर्मा असे या आरोपीचे नाव आहे. शर्मा याला आधी हनी ट्रॅपमध्ये अडकवत त्याच्याकडून भारतीय हवाई दलाशी संबंधित संवेदनशील माहिती गोळा केल्याचा संशय आहे.

पोलीसांनी दिलेल्या माहितीनुसार फेसबुकवर एका महिलेशी मैत्री झाली होती. या महिलेशी मैत्री झाल्यानंतर त्या महिलेने संवेदवशील माहिती गोळा करण्यासाठी याचा वापर केल्या संशय दिल्ली पोलीसांनी व्यक्त केला आहे. तसेच महिला ज्या क्रमांकावरुन बोलायची, तो क्रमांक भारतीय सर्व्हिस प्रोव्हायडरचा आहे. सध्या पोलीस महिलेचा शोध घेण्याचा प्रयत्न करत असून, या प्रकरणात आणखी मदत होऊ शकते.

या संपूर्ण प्रकरणात पाकिस्तानची गुप्तचर संस्था आयएसआयचा हात असल्याचा संशय व्यक्त केला जात आहे. मिळालेल्या माहितीनुसार, पोलिसांना आरोपीच्या पत्नीच्या बँक खात्यात काही संशयास्पद व्यवहारही आढळून आले आहेत. त्यामुळे पोलीसांनी ही तपासाची चक्रे वेगाने गतिमान केली आहेत.