दिग्विजय सिंह (Digvijay Singh) भोपाळमध्ये (Bhopal) जन जागरण अभियानांतर्गत कार्यकर्त्यांना प्रशिक्षण देत होते. यावेळी ते म्हणाले की, सावरकरांच्या (Savarkar) पुस्तकात असे लिहिले आहे की, हिंदू (Hindu) धर्माचा हिंदुत्वाशी (Hindutva) काहीही संबंध नाही. एवढेच नाही तर सावरकरांच्या पुस्तकात गाय ही आपली माता असू शकत नाही, तर स्वतःच्या विष्ठेमध्ये लोळणारी गाय माता कशी असू शकते, असे लिहिले आहे. यासोबत गोमांस खाण्यात कोणतेही नुकसान नाही असेही त्यांनी लिखान केले आहे. हे खुद्द सावरकरांनीच सांगितले आहे, जे आज आरएसएस आणि भाजपचे खास विचारवंत आहेत.

दरम्यान, आमची लढाई आरएसएसच्या (RSS) विचारसरणीशी आहे. 2024 मध्ये पुन्हा मोदी आले किंवा भाजप आले तर ते आधी संविधान बदलतील, आरक्षण संपवतील, असंही दिग्विजय सिंह (Digvijay Singh) म्हणाले. या लोकांनी रशिया-चीन मॉडेल स्वीकारले आहे, गरिबांना मोफत धान्य वाटप केले असून सर्व कमाई काही निवडक लोकांवर खर्च केली जात आहे.

दिग्विजय पुढे म्हणाले की, हा देश विविधतेचा देश आहे. इथे गोमांस खाणारे हिंदूही आहेत. विशेष म्हणजे गोमांस खाऊ नये असे कुठे लिहिले आहे आणि बहुतेक हिंदू गोहत्येच्या विरोधात आहेत. ते पुढे म्हणाले की, सावरकर हे भाजप (BJP) आणि संघाचे विचारवंत आहेत, सावरकरांची ही गोष्ट इथल्या किती लोकांना माहीत आहे, हात वर करा. आता भाजप आणि संघाच्या नेत्यांसमोर हे बोलणार की नाही.

अटलजी अगदी चुकीच्या पक्षात

माजी पंतप्रधान अटलबिहारी वाजपेयी (atal bihari vajpayee) यांच्या जयंतीनिमित्त दिग्विजय यांनी आज ट्विट करुन अटलजींबद्दल बरोबर बोलले होते, असे त्यांनी म्हटले आहे. ते योग्य नेते होते, त्यांची विचारधाराही गांधीवादी समाजवादाची होती परंतु चुकीच्या पक्षात होते. अटलजींनी मोदीजींना राजधर्माचे पालन करण्याचा सल्ला दिला होता, परंतु मोदीजींनी ते सर्व केले जे अटलजींच्या धोरणांच्या विरोधात होते.