पावसाने उत्तर भारतात काहीशी उसंत दिली घेतली असली तरी गुजरातमध्ये मात्र धुमाकूळ घातला आहे. गुजरात मधील दोन जिल्ह्यातून सुमारे 700 लोकांना आत्तापर्यंत स्थलांतर करावे लागले आहे. तसेच भारतीय हवामान विभागाने पुढील पाच दिवसांत दक्षिण गुजरातमधील डांग, नवसारी आणि वलसाड जिल्ह्यांमध्ये मुसळधार ते अतिवृष्टीचा अंदाज वर्तवला आहे.

भारतीय हवामान विभागाच्या अधिकाऱ्यांनी अशी माहिती दिली की, ओरसांग नदीच्या पाण्याच्या पातळीत वाढ झाल्यानंतर वलसाडमधील काही सखल भागात पूर आला आहे. कावेरी आणि अंबिका नद्या धोक्याच्या चिन्हावरून वाहत आहेत, त्यामुळे नवसारी जिल्ह्याचे अधिकारीही सतर्क आहेत. वलसाड आणि नवसारी जिल्ह्यात शनिवारी रात्री आणि रविवारी सकाळी जोरदार पाऊस झाला, असे अधिकाऱ्यांनी सांगितले. ते म्हणाले की, छोटा उदयपूर आणि नर्मदा जिल्ह्यातही मुसळधार पाऊस झाला असून त्यामुळे नद्यांना पूर आला आहे आणि सखल भागात पूर आला आहे.

400 हून अधिक लोकांना सुरक्षित स्थळी हलवण्यात यश

वलसाडमधील ओरसांग नदीच्या पाण्याची पातळी वाढल्याने आणि सखल भागात पूर आल्याने 400 हून अधिक लोकांना सुरक्षित स्थळी हलवण्यात आल्याचे अधिकाऱ्यांनी सांगितले. त्यांनी सांगितले की, रविवारी वलसाडमध्ये थोडासा दिलासा मिळाला आणि पाण्याची पातळी कमी झाली, त्यानंतर लोक आपापल्या घरी परतायला लागले.

शनिवारपासून सुरू असलेल्या मुसळधार पावसामुळे दक्षिण आणि मध्य गुजरात आणि सौराष्ट्र भागातील अनेक धरणे तुडुंब भरली असून नद्यांना पूर आला आहे. अनेक नद्या धोक्याच्या चिन्हाजवळून वाहत असून, संबंधित प्रशासनाला सतर्क राहण्यास सांगितले आहे. त्यामूळे काल पर्यंत आसाम राज्यातील भीषण पुरस्थिती गुजरातची होण्यापूर्वी पावसाने काहीशी उसंत घेणे गरजेच आहे. तसेच प्रशासनाने ही सतर्क राहणे अत्यावश्यक आहे.