हरियाणातील (Haryana) गुरुग्राममध्ये आज म्हणजेच शनिवारी पहाटे एक मोठी दुर्घटना घडली आहे. गुरुग्रामच्या बिलासपूर इंडस्ट्रियल एरियामध्ये ऑटो पार्ट्स बनवणाऱ्या कंपनीत भीषण आग लागली. ही आग आटोक्यात आणण्यासाठी सध्या अग्निशमन दलाच्या गाड्या घटनास्थळी हजर आहेत.

कंपनीत लागलेल्या या भीषण आगीची काही फोटो वृत्तसंस्था एआमआयने (ANI) शेअर केली आहे. ज्यात भीषण (Fire) ज्वाला दिसत आहेत. आकाशात आगीच्या ज्वाळा दिसत आहेत. कंपनीत किती कामगार होते, कोणी अडकले आहे का, काही नुकसान झाले आहे, याबाबत सध्या कोणतीही माहिती समोर आलेली नाही.

एवढेच नाही तर आगीचे कारणही अद्याप समजू शकलेले नाही. आग आटोक्यात आणण्यासाठी अग्निशमन दलाचे जवान शर्थीचे प्रयत्न करत आहेत. ही घटना शनिवारी पहाटेची असल्याचे सांगण्यात येत आहे.