भारतीय जनता पक्षाने हरियाणातील आयटी सेलचे प्रभारी अरुण यादव (Arun Yadav) यांना पदावरून हटवले आहे. पक्षाने त्यांना हटवण्याचे कारण अद्याप स्पष्ट केलेले नाही, परंतु वादग्रस्त ट्विट केल्याबद्दल भाजपने त्यांच्यावर कारवाई केल्याची शक्यता वर्तवली जात आहे. (Haryana BJP's IT Arun Yadav News)

* आक्षेपार्ह ट्विट पोस्ट केल्याचा आरोप

अरुण यादव आपल्या आक्षेपार्ह ट्विटमुळे (Twitter) खूप चर्चेत आहेत. सोशल मीडियावरही (Social Media) त्याच्या अटकेची मागणी होत होती. मात्र सध्या प्रदेशाध्यक्षांनी त्यांना पदावरून हटवण्याचे ठोस कारण दिलेले नाही. अरुण यादव यांच्याकडून या मुद्द्यावर अद्याप कोणतीही प्रतिक्रिया आलेली नाही.