तंदुरुस्त कोणाला मानले जाते? जो तरुण आहे, ज्याचे शरीर निरोगी आहे, आणि दैनंदिन जीममध्ये जातो? मात्र आपल्यापैकी बहुतेकांच्या मनात असलेली ही समज अलीकडच्या घडामोडींमुळे पूर्णत:ह फोल ठरत आहे. उदाहरणार्थ, कन्नड सुपरस्टार पुनीत राजकुमारच्या (Puneet Rajkumar) केसचाच विचार करा. 46 वर्षीय वय असलेला हा एकमेव बळी नाही. गेल्या महिन्यात अभिनेता सिद्धार्थ शुक्ला (41) आणि गेल्या वर्षी अभिनेता चिरंजीवी सर्जा (36) याचाही हृदयविकाराच्या झटक्याने निधन झाल होते.

"20-25 वर्षांपूर्वी, 30 वर्ष आणि त्यापेक्षा कमी वयातील लोकांना 6 महिन्यांत एकदाच हृदयविकाराचा झटका येत असल्याचे दिसायचे, परंतु आता दर आठवड्याला अशा केसेस समोर येते असल्याचे, डॉ. रमाकांत पांडा यांनी माध्यमाशी बोलताना सांगितले.

पद्मभूषण पुरस्कार विजेते आणि भारतातील सर्वोत्कृष्ट हृदय शल्यचिकित्सकांपैकी एक असलेले डॉ. पांडा यांनी या गोष्टीकडे लक्ष वेधले की, व्यायामाचे चांगले आणि वाईट परिणाम आहेत. योग्य व्यायामासाठी खालील टीप्सचा तुम्ही आधार घेऊ शकता.

टिप्स:

5-10 मिनिटे वॉर्म-अप करायला हवा.

20-30 मिनिटे व्यायाम करा.

व्यायामानंतर शरीर थंड करण्यासाठी 5-10 मिनिटे द्या.

डॉ पांडा पुढे म्हणाले, "लोकांनी शरीराचे कार्य कसे चालते याचा अभ्यास करावा. छातीच्या डाव्या बाजूला दुखत असेल, सांधे दुखत असतील तर त्याकडे दुर्लक्ष करु नये. विशेषत: जेव्हा कुटुंबात याआधी एखाद्या सदस्याने अशाप्रकारचा त्रास सहन केला असेल तर तात्काळ डॉक्टरांचा सल्ला घ्यावा.