Viral Video: चालत्या वाहनांवर स्टंट करत रिल्स बनवण्याची क्रेझ काही केल्या कमी होत नाहीये. पोलिसांच्या कारवाईनेही लोकांना काही फरक पडत नाहीये. ताजं प्रकरण अयोध्येचं आहे.

जिथे दोन मुली चालत्या गाडीवर स्टंट करत व्हिडिओ बनवत होत्या. हा व्हिडिओ व्हायरल झाल्यानंतर वाहतूक पोलिसांनी (Police) कार मालकाला 18 हजार रुपयांचा दंड ठोठावला. आता कायद्यानुसार, जी कारवाई करता येईल ती पोलिस पुढे करणार आहेत.

कारच्या बोनेटवर मुलींचा स्वॅग दिसला

व्हिडिओमध्ये एक पांढऱ्या रंगाची कार रस्त्यावर धावताना दिसत आहे. गाडीच्या बोनेटवर एक मुलगी बसलेली आहे. तर दुसरी कारच्या खिडकीतून बाहेर डोकावताना दिसत आहे.

खिडकीतून डोकावणारी मुलगी गाडीही चालवत आहे. व्हिडिओ व्हायरल झाल्यानंतर पोलिसांनी कारवाई करत 18 हजार रुपयांचा दंड ठोठावला. दीनदयाल मिश्रा असे कार मालकाचे नाव आहे.

व्हिडिओ पाहिल्यानंतर यूजर्स संतापले

सध्या हा व्हिडिओ सोशल मीडियावर (Social Media) मोठ्या प्रमाणात व्हायरल होत आहे. हा व्हिडिओ शैलेंद्र तिवारी नावाच्या युजरने ट्विटरवर शेअर केला आहे. ट्विटवर लोकांच्या संमिश्र प्रतिक्रीया येत आहेत.

मजेशीर पद्धतीने कमेंट करताना एका यूजरने लिहिले - बहिण पकडली गेली. त्याचवेळी, अनेकांनी अशा लोकांवर कडक कारवाई करण्याची मागणी केली आहे.