Ghaziabad Crime: गाझियाबादच्या पोक्सो न्यायालयाने एका निष्पाप मुलीची गळा दाबून हत्या केल्याप्रकरणी दोषी ठरलेल्या तरुणाला फाशीची शिक्षा सुनावली आहे. घटनेच्या अवघ्या 65 दिवसांनंतर न्यायालयाने या लज्जास्पद आणि घृणास्पद प्रकरणात शिक्षा सुनावली. 1 डिसेंबर 2022 रोजी साहिबााबाद पोलिस स्टेशन परिसरात साडेचार वर्षांच्या मुलीचे अपहरण करुन बलात्कारानंतर तिची हत्या करण्यात आली होती.

दरम्यान, गाझियाबादच्या विशेष पॉक्सो न्यायालयाने शनिवारी आरोपी सोनू गुप्ता याला साडेचार वर्षांच्या मुलीवर बलात्कार करुन तिची हत्या केल्याप्रकरणी दोषी ठरवून फाशीची शिक्षा सुनावली. यासोबतच आरोपीला 20 हजार रुपयांचा दंडही ठोठावण्यात आला आहे.

आरोपी सोनू गुप्ता हा नंदग्राममध्ये राहतो. एका निष्पाप मुलीवर बलात्कार करुन खून केल्याप्रकरणी न्यायालयाने (Court) सबळ पुराव्यांच्या आधारे आरोपी सोनूला या जघन्य गुन्ह्यात दोषी ठरवले.

तसेच, शनिवारी दुपारी न्यायालयात दोषी सोनू गुप्ताबाबत सुनावणी सुरु झाली. यादरम्यान, विशेष सरकारी वकिलाने फाशीच्या शिक्षेची मागणी केली, तर बचाव पक्षाने हा पहिलाच गुन्हा असल्याचे कारण देत कमी शिक्षेची मागणी केली होती.

बलात्कारानंतर तिची हत्या करण्यात आली

शुक्रवारी न्यायालयाने सोनू गुप्ताला मुलीच्या हत्येप्रकरणी दोषी ठरवले. साहिबााबाद परिसरातील सिटी फॉरेस्टमध्ये एका साडेचार वर्षाच्या मुलीवर बलात्कार करुन हत्या केल्याप्रकरणी आरोपीला दोषी ठरवण्यात आले. ही घटना 1 डिसेंबर 2022 रोजी साहिबााबाद पोलिस स्टेशन परिसरात घडली.

दुसरीकडे, सिटी फॉरेस्टमध्ये एका मुलीचा मृतदेह पोलिसांना मिळाला होता. तिचा गळा आवळून खून करण्यात आल्याचे प्रथमदर्शनी सांगण्यात आले होते. त्यानंतर, पोलीस (Police) या हत्येच्या तपासात गुंतले आणि आठ दिवसांनी सीसीटीव्ही फुटेजच्या मदतीने आरोपींपर्यंत पोहोचले.