मध्य प्रदेशचे माजी मुख्यमंत्री कमलनाथ यांनी विरोधी पक्षनेतेपदाचा राजीनामा दिला आहे. मिळालेल्या माहितीनुसार, राज्याचे माजी मुख्यमंत्री आणि काँग्रेस नेते दिग्विजय सिंह यांचे निकटवर्तीय डॉ. गोविंद सिंग (Dr. Govind Singh) हे विरोधी पक्षनेतेपदाची सूत्रे स्वीकारणार आहेत. माजी मुख्यमंत्री कमलनाथ आता केवळ पीसीसी प्रमुखपद भूषवतील. त्याचवेळी काँग्रेस पक्षाने क्षणाचाही विलंब न लावता कमलनाथ यांचा राजीनामा तात्काळ स्वीकारला आहे. काँग्रेसचे सरचिटणीस केसी वेणुगोपाल यांनी यास दुजोरा दिला आहे. त्याचवेळी काँग्रेसचे (Congress) सरचिटणीस केसी वेणुगोपाल यांनी कमलनाथ यांना लिहिलेल्या पत्रात पक्षाध्यक्षांनी तुमचा विरोधी पक्षनेतेपदाचा राजीनामा तात्काळ स्वीकारला आहे.

ते पुढे म्हणाले की, ''विरोधी पक्षनेता म्हणून तुमच्या योगदानाचे पक्षाला कदर आहे. यासोबतच काँग्रेस अध्यक्षांनी डॉ.गोविंद सिंग यांना विरोधी पक्षनेते करण्याचा प्रस्तावही मान्य केला आहे. डॉ. गोविंद सिंह 7 वेळा आमदार आहेत.''

दरम्यान, राज्याच्या राजकारणात डॉ. गोविंद सिंह हे दिग्विजय सिंह (Digvijay Singh) यांचे निकटवर्तीय मानले जातात. ग्वाल्हेर चंबळ भागात डॉ. गोविंद सिंह यांनी ज्योतिरादित्य सिंधिया (Jyotiraditya Scindia) यांच्या विरोधात आवाज उठवत काँग्रेस पक्षाचा मोर्चा खोलला होता.

'माझी जबाबदारी पूर्ण प्रामाणिकपणे पार पाडेन'

तर दुसरीकडे, प्रसारमाध्यमांशी बोलताना डॉ.गोविंद सिंग यांनी पक्षाने दिलेली जबाबदारी पूर्ण प्रामाणिकपणे पार पाडणार असल्याचे सांगितले. काँग्रेस पूर्वीही मजबूत होती आणि आजही मजबूत आहे. पक्षाविरोधात जे काही षडयंत्र रचले गेले, त्याला चोख प्रत्युत्तर दिले जाईल. हे सरकार करत असलेल्या अत्याचाराविरोधात काँग्रेस लढणार आहे. त्याचबरोबर सचिवालयावर काँग्रेसचा झेंडा फडकवण्यात येणार आहे.