दिल्लीचे मुख्यमंत्री अरविंद केजरीवाल यांनी दिल्ली विधानसभेच्या सभागृहातून भाजप आणि पंतप्रधान नरेंद्र मोदी यांच्यावर चौफेर हल्ला चढवला. द काश्मीर फाइल्स (The Kashmir Files) या चित्रपटावरून भाजपचा केजरीवाल यांनी चांगला समाचार घेतला आणि जर्मन हुकूमशहा अॅडॉल्फ हिटलरचा उल्लेख केला.

"हिटलरनेही आपल्या जनतेला नोकऱ्या दिल्या. मोदींनी तुम्हाला काय दिले?" असा थेट सवाल केजरीवाल यांनी केला, "अरविंद केजरीवाल (Arvind Kejriwal) तुमच्यासाठीही काम करतात. तुमच्या कुटुंबातील कोणी आजारी असेल तर केजरीवाल तुम्हाला औषधे देतात, मोदी नाही. डोळे उघडा, भाजप (BJP) सोडा आणि 'आप'मध्ये या," अशी टीका केजरीवाल यांनी केली.

यापूर्वी आपल्या भाषणात केजरीवाल यांनी राष्ट्रीय राजधानीत काश्मीर फाइल्स करमुक्त करण्याच्या मागणीवर भाजपवर हल्ला केला.

"तुम्ही आम्हाला ते करमुक्त करण्यास का सांगत आहात? तुमची इतकी इच्छा असेल तर विवेक अग्निहोत्री यांना तो चित्रपट यूट्यूबवर टाकायला सांगा, ते सर्व विनामूल्य होईल. प्रत्येकजण ते एका दिवसात पाहू शकतील. गरज कुठे आहे? ते करमुक्त करा," दिल्ली विधानसभेच्या सदस्यांच्या हशा आणि मेजांच्या थाटात केजरीवाल म्हणाले.

त्यानंतर, पंतप्रधान (PM) मोदींवर ताशेरे ओढत ते म्हणाले की, आठ वर्षे देशावर राज्य करूनही पंतप्रधानांना "राजकीय फायद्यासाठी चित्रपटाची (movies) मदत घ्यावी लागते.