हैदराबाद: तेलंगणाची राजधानी हैदराबादमधून एक धक्कादायक बातमी समोर आली आहे. 35 वर्षीय सॉफ्टवेअर इंजिनियर देविकाने रविवारी (०२ मार्च) रात्री राहत्या घरी आत्महत्या केली. तिच्या पतीने या घटनेबाबत माहिती दिली.

देविकाचा पती देखील व्यवसायाने अभियंता आहे. रविवारी रात्री देविकाने गळफास लावून घेतला, अशी माहिती देविकाच्या पतीने पोलिसांना दिली आहे. देविका आणि सतीश हे व्यवसायाने इंजिनिअर आहेत. सहा महिन्यांपूर्वी दोघांनी गोव्यात मोठ्या थाटामाटात लग्न केले. देविकाने लग्नानंतर एवढ्या लवकर असे पाऊल का उचलले याबाबत कोणतीही माहिती समोर आलेली नाही.

दरम्यान, सतीश हुंड्यासाठी छळ करत असल्याचा आरोप देविकाच्या कुटुंबीयांनी केला आहे. यामुळे सतत चिंतेत असलेल्या देविकाने टोकाचे पाऊल उचलले, असा आरोप केला जात आहे. पोलीस या संपूर्ण प्रकरणाचा तपास करत आहेत.