Jammu Kashmir Baramulla Encounter: जम्मू-काश्मीरच्या बारामुल्ला जिल्ह्यात सुरक्षा दल आणि दहशतवाद्यांमध्ये चकमक सुरू आहे. दरम्यान, या चकमकीत सुरक्षा दलांनी 1 दहशतवाद्याला ठार केले आहे. या गोळीबारात दोन जवानही जखमी झाल्याचे सांगण्यात येत आहे. सुरक्षा दलांनी संपूर्ण परिसराला वेढा घातला आहे. मिळालेल्या माहितीनुसार, दोन्ही बाजूंनी गोळीबार सुरू आहे. दोन दहशतवादी लपल्याची माहिती मिळाल्यानंतर सुरक्षा दलांनी मोर्चा काढत कारवाई सुरू केली.

जम्मू-काश्मीरच्या एका पोलिस अधिकाऱ्याने सांगितले की, बारामुल्ला जिल्ह्यातील करेरी भागातील वानिगम बाला येथे दहशतवाद्यांच्या उपस्थितीची माहिती मिळाली होती, त्यानंतर सुरक्षा दलांनी नाकाबंदी करून शोध मोहीम सुरू केली.

बारामुल्लामध्ये चकमकीत दहशतवाद्यांचा खात्मा

जम्मू-काश्मीरमधील बारामुल्ला जिल्ह्यात शनिवारी सुरक्षा दलांशी झालेल्या चकमकीत एक दहशतवादी ठार झाला. शोध मोहिमेदरम्यान तेथे लपलेल्या दहशतवाद्यांनी सुरक्षा दलांवर गोळीबार सुरू केला, त्यानंतर सुरक्षा दलांनीही प्रत्युत्तरादाखल केलेल्या गोळीबारात एका दहशतवाद्याला ठार केले. एक स्थानिक आणि एक पाकिस्तानी दहशतवादी लपल्याची माहिची सुरक्षा दलाला मिळाली होती.

बुधवारी कुलगाममध्ये चकमक झाली

याआधी बुधवारी जम्मू-काश्मीरमधील कुलगाम जिल्ह्यात दहशतवादी आणि सुरक्षा दलांमध्ये चकमक झाली होती. यादरम्यान लष्कराचा एक जवान जखमी झाला होता. कुलगाम चकमकीदरम्यान दहशतवादी कसेबसे पळून जाण्यात यशस्वी झाले. जिल्ह्यातील बरिहार्द काठपुरा भागात अनेक दहशतवादी लपल्याची माहिती सुरक्षा दलांना मिळाली होती, त्यानंतर सुरक्षा दलांनी शोध मोहीम सुरू केली होती.